Endless Is Nothing...

Pias Nites 2011. Videos

2011-12-13T17:38:00.001+01:00

dEUS

Crystal Fighters

Balthazar

[PIAS] NITES

2011-12-11T21:44:00.001+01:00

warm up

Balthazar

Tom Barman

dEUS

[PIAS] NITES

Merchandise

Coming up...

Crystal Fighters

Скопје на жар

2011-05-27T09:13:00.004+01:00

прекинувам длабок блого-мораториум да споделам впечатоци од Скопје Гори 2011

Не можам да останам ладнокрвен на тоа што го видов вчера, па мора овде да се „испразнам“.

Авалон успеале да ги договорат ланските chart-breakers Hurts за концерт во Скопје, ама поради тоа што нивните настапи траат 50 минути решиле да ги вклопат во Фестивалско пакување.

Направиле солиден лајнап за подршка на британците (S.A.R.S., Elemental, Gramophondzije и Чалгија Саунд Систем).

Објавија прецизен тајминг 2-3 дена пред концертот.

Сето тоа личи на добра основа за да лупнат и цена од 15€.

Арно ама...

Освен што се погрижиле настапот на Hurts да звучи како што треба, не направија НИШТО друго.

Фестивалот каснеше саат-и-кусур иако Чалгија СС беа на сцената. Тотално расштимано озвучување. Еден куп луѓе и се изредија на миксетата, дури дојде и Доријан (член на Чалгија).

Некако подесија и во 9:20 почнаа.

Нив секако не им е баш место во Метрополис. Веројатно да се одржеше фестивалот на Кале (нели, поради временски неприлики беше префрлен на саем) ќе беше поинтересно, вака...

Башка тогаш во салата имаше 284 гледачи па ечеше ехо.

Само 5-6 минути по крајот на Чалгаџиите почнаа САРС, веројатно оти не делат инструменти со нив, па озвучувањето требаше да е подесено од претходно. Арно ама не беше, па посведочивме дузина тешки дисторзии и фонии. Дечките избрзаа да го исвират планираното за да ја ослободат сцената во 23:00 за „ѕвездите“.

Тука иде и проблемот што најмногу ми сметаше. За да им се излезе во пресрет на принципиелните англичани и да си го одржат настапот во дефинираните 23:00 Елементал беа префрлени после нив. Океј, ќе си кажеш ништо-страшно. Ама затоа-потоа.

Иако беа во грч, по мое, САРС треба уште малку да ги извежбаат и уиграат песните и аранжманите од новиот албум (кој инаку мене ептен ми легна. одлично, одлично сработено). Сепак, успешно ја анимираа веќе насобраната публика (некои си иљада-и-пе-шесто) и мене ме изненадија со некои нови интересни аранжмани на некои од нивните песни.

Hurts имаа сосем коректен настап. Иако се премногу уфилмани и на моменти „глумат-лудило“, сепак добро звучеа. И озвучувањето за нив беше одлично. Нормално, педесетина минути и еден режиран бис е доволно за „да се запознаеме“. Им посакувам успешен и втор албум, иако мислам дека сепак ќе си останат one-hit-wonder. Може веќе имаше две илјади луѓе во Метрополис.

Откако завршија, останаа бедни пет-шестотини за настапот на Елементал. Сум бил на свирки на овој бенд (Хавана, летна и зимска) каде што сами имаа повеќе публика, но ете, оние кои останавме пробавме да се забавуваме.

Проба и бендот. Како и секогаш јаки и енергични. Ама: „факин-шит“ озвучување. Првите 3 песни не се разликуваше дали пее Реми или Shot. Се слушаа само басот и гитарата. Другото дисторзија.

Се наштимаа некаде на средина на настап, ама од такт ги извади и нив, а и мене тоа што идиотите од Hurts за време на цел настап си ги расчистуваа нивните остатоци од сцена. Пакуваа звучници, демонтираа тапани, клавијатури, ѓаволи-бесови.

Реми не додржа и им објасни: „Јебеш британци ако не ти ја ослободуваат сцената“ (мој слободен превод). Овде мораше организаторот поинаку да реагира. Вака, покрај британците и Авалон не ги испочитува Елементал.

Тоа е. Јас си отидов после нив, веќе беше 1:30. Не знам, ама веројатно на Грамофонџије имаше 96 луѓе во публика.

На крај да додадам, наливно пиво 0,33l беше 100 денари, наливна 0,25l Coke беше 50, ама дечките на 2 шанка ми кажаа: Немаме ситно. Па не земав.

Резиме: Наместо фестивал, ова пак испадна само настап на Hurts. Може ќе кажат од Авалон дека за 15€ сме биле најпривилегирани во Европа за да видиме такви ѕвезди, ама сигурен сум дека и Hurts видоа најмалку публика.

Освен нив, дисторзии, фонии, скапо и празно.

Ептен празно.

Не беше ни „Скопје на жар“, ами „Скопје на свеќа“.

Што треба да направи фудбалот за да стане NBA

2010-06-04T12:57:00.004+01:00

Следам редовно спорт. Ол кајнд (освен формула и шах, тоа не се спортови). Секако најатрактивни и најпопуларни се фудбалот и кошарката (NBA, Евролига не е кошарка за мене). Од фудбалот најмногу време посветувам на Англиската Премиер Лига, Лигата на шампионите, а потоа спорадично сите други национални и интернационални натпреварувања. Светското, Европското и Африканското првенство не ги спомнувам посебно, нив сите ги гледаме.

Последниов месец, особено откако завршија националните првенства и кога сите одбројуваме до Африка2010 отаде барата се игра уште еден плејоф во најатрактивното спортско натпреварување, NBA.

Со овој пост би сакал да претставам неколку мои желби кои би било одлично да се пренесат од NBA во фудбалот.

1. Редовни професионални видео извештаи

Секој нормален спортски фан се има соочено со овој проблем. Фудбалот се гуши во т.н. ТВ-Права, и никој не може редовно да дојде до преглед на некоја средба која не можел да ја гледа во живо. Откако ќе заврши било која средба се случуваат војни на YouTube каде корисниците објавуваат видеа од средбата, головите.., за после неколку часа тие видеа да бидат избришани.

Од друга страна, на NBA.com за секоја средба се појавуваат видео клипчиња со најатрактивните моменти уште додека трае средбата, а веднаш по завршувањето на натпреварот редовно има 4-5 минутен Recap со професионален коментар на случувањата, прес-конференции, интервјуа.

Не гледам причина зошто ова не би било случај и во фудбалот.

2. On-screen статистики за време на натпреварот

Ова е голем недостаток на фудбалските преноси. Не ги знам причините за ова, но споредено со NBA фудбалските преноси од статистички аспект се мизерија. Недоволно е на полувреме или на крај да видиме скрин со: шут на гол, корнери, жолти/црвени картони. Што би сакал да видам:

- Посед на топка по играч (минути)

- Приказ на т.н. set-pieces акции

- Приказ на стилот на одбрана/напад

Овие работи во NBA објаснуваат на гледачите зошто фаци како (актуелниот) Рон Артест е битен за тимот, а во фудбалот тоа е оставено на коментаторот (ако го примети, што во македоснки услови никогаш не е случај).

3. Fuckin' видео снимка за спорни ситуации

Аман веќе со старомодно тупење, ова мислам дека е повеќе од јасно дека ќе се воведе, но зошто не го направат тоа ден-порано.

4. Маркетинг стратегија на повисоко ниво

Во фудбалот тоа се сведува само на клубско или на спонзорско ниво, а не на ниво на лига/настан.

Акциите како NBA Cares, Amazing is.., разно-разните промо видеа се очекуваат со нетрпение и се додатен силен удар зошто We love this game.

Паушални вести

2010-04-26T09:43:00.004+01:00

Португалецот Роналдо за неполна сезона само во Мадрид продал 1,2 милион дреса со деветката на грбот. Значи донел заработувачка од 100 милиони евра и го исплатил својот 94 милиони евра вреден трансфер во Реал од Манчестер јунајтед.

Ова го пренесува дневникот Нова Македонија. Не го знам изворот, ама овие реченици се математички сомнителни. Па да пробам да ви објаснам:

Доколку продале 1,2 милиони дресови и оствариле заработувачка од 100 милиони евра тоа значи дека профиотот по продаден дрес изнесува 83,33€. На официјалната страна на Реал Мадрид редовната цена на дресот на Роналдо изнесува £61.94 или 71.79€. Да не зборуваме дека во празничните периоди ваквите продавници објавуваат промоции и попусти кога овие дресови чинат околу 30-40€.

Но доколку сите 1,2 милиони дресови се продадени по редовната цена од 72€ и под претпоставка дека половина од цената е профит (што во пазарната економија скоро никогаш не е случај) т.е. 36€, тогаш вкупниот профит изнесува 43,200,000€ што е многу помалку од двојно помалку :)

Или обратно, доколку профитот од еден дрес изнесува 36€ тогаш би требало да бидат продадени скоро 2,7 милиони дресови.

Дури и тогаш не би можело да се смета дека трансферот е исплатен, затоа што знаеме дека месечната плата на Роналдо е една од најголемите, па на кој начин би се обезбедувала истата?

Некогаш освен Google Translate потребен е и калкулатор.

credits to Iceto5 :)

Ај, де објасни...

2010-01-04T10:10:00.002+01:00

Татко ми е новопечен зависник од интернет. Пензионерските денови му овозможуваат многу повеќе слободно време за „киснење“ пред компјутер. А тоа и дава резултати: на пример, има 120 бода повеќе од мене на Fantasy Premier League :)

Деновиве имавме „расправа“ на тема блогери, блогерство, и губење време. Целта му беше да сфати што е толкавиот buzz по таа сфера и зошто и „јас сум таму“.

Не ме бива многу за објаснување, ама ги произнесов моите аргументи и добив интересен feedback:

Во Струмица имаше една фудбалска екипа Бирлик (се сеќавам и јас на тој тим, м.з.), кој играше во некоја супер регионална лига, 3-4 по ранг во државата. Играа на помошниот терен и собираа доволно публика да го опкружи теренот во 2-3 реда, стоејќи се разбира. Таму се играше „као“ по правите фудбалски правила. Ама се беше опуштено и забавно. И публика, и судии и играчи... Дури имаше и градски фаци и ѕвезди од фудбалерите на Бирлик. Арно ама, никој не очекуваше дека еден ден Бирлик ќе игра во прва лига и дека ќе одат да го гледаат на Градскиот стадион. Дури и да се случеше тоа, немаше ќејфот да биде ист, и пак ќе се бараше екипата што ќе игра забавен фудбал на помошниот терен, а не „уфирцан и испеглан“ фудбал.
Дали е иста аналогијата и со блогерите? Кој е патот на блогерите, и каде води?

Не дадов некој прецизен одговор.

Ракометна година

2009-10-02T10:43:00.003+01:00

Утре официјално почнува најжестоката година во македонскиот клубски ракомет, верувам од осамостојувањето до денес.

Официјално, затоа што Вардар го игра првиот натпревар во новиот формат на Лигата на Шампионите, а набрзо ќе следува и првото македонско дерби сезонава, се разбира со Металург.

Она што летово се случуваше со овие два тима вистински наликуваше на битка на фудбалските премиерлигаши или галактикоси. Почнувајќи од доведувањето на Лино Червар во Металург, според мене Фил Џексон во ракометот, преку бројните скапи трансфери, убедливиот пласман на Вардар во ЛШ...

Она што мене ме чуди во целава ситуација е што сеуште јавноста не е свесна за огромните вложувања кои ги прават овие два тима, а мислам дека и медиумски не се доволно експонирани.

Чудно ми падна и што Вардар побарале дел од натпреварите во ЛШ да ги играат во СРЦ Кале, а не во Борис Трајковски. За мене е стварно е дегутантно да помислам дека во град со 600.000++ жители не може да се најдат 5.000 луѓе кои сакаат да гледаат елитен ракомет од европската Лига на Шампиони?! Па побогу, градот Манчестер има помалку жители од Скопје, а неделно 120.000 луѓе ги гледаат натпреварите на City и United.

„Ја користам оваа прилика“ да упатам уште еден остар протест против Владата на РМ и системот на нејзиното работење. Откако „индиректно“ ги уништија Кометал Ѓорче Петров и сите Фершпед екипи, сега изиграваат добродатели на македонскиот спорт па пуштаат терени во Ѓорче, Влае, wherever... каде што ќе се создавале нови македонски спортски ѕвезди?

Истовремено протестирам и против медиумите кои ги „бакнуваат“ владините соопштенија па за сечењето на лентата на некоја полјана извествуаат двојно или тројно повеќе отколку за овие два македонски-европски ракометни гиганти.

Искрено очекувам Вардар да ја пројде првата фаза, иако групата е пеколна, а за Металург сум сигурен дека ќе стигне минимум до полуфиналето на Купот на ЕХФ. Тогаш сигурно и премиерот ќе сака да се слика со нив, ќе бидат познати.

Епа друштво, се гледаме утре во Борис Трајковски.

Таткото, Синот и Енциклопедијата

2009-10-01T01:10:00.000+01:00

оригинално пишувано овде

Ситуација 1

Синот бил немирен, па таткото му наредил дека за секоја грешка што ќе ја прави, ќе кова по еден клинец на вратата. После 2 месеци, цела врата била искована. Синот сватил дека многу грешел, па рекол: „За секоја добра работа, ќе вадам по еден клинец“. За неполн месец ги извадил сите, па му рекол на татка си: „Може два месеца грешев, ама еве за неполн месец ги поправив сите грешки“. Да, ама дупките останаа.

Ситуација 2

Прашал синот што значи тоа црква, па таткото му објаснил: „Тоа е место каде што се молиш за некоја желба да ти се исполни и каде што се каеш за некоја грешка што си ја направил да ти биде простена.“ Се молел синот 3 месеци да му купат велосипед, па после си украл еден, и секој ден се молел да му ја простат грешката.

Диктатура II

2009-08-06T09:11:00.002+01:00

Ајде што е неподносливо жешко некако и да сфатам, таква клима имаме, сме издржале и ќе издржиме.

Ама па и некој да те гори плус, е тоа нема уште долго да се издржи!

Не сум редовен на блогов (твитер е крив), ама 2 поста на слична тема во неполни 10 дена е најмалку што можам. Минатата недела пишував за преносите во фудбал. Денеска пак основната провокација ми е фудбалот, натпреварот Македонија Шпанија, за кој се дига галама уште откако беше најавен.

Се поизвесно е дека некој сака овој ден да биде една приватна забава. Тоа делумно им успеа со отворањето на салата Борис Трајковски но не сум баш сигурен дали ќе успее и овојпат.

Може некој ќе се присети како си помина екс министерката за култура, Ганка Самоилова Цветановска на фестивалот Таксират. Оти не сфатат дека само со тоа што одобриле пари од Министерството не значи дека ги следуваат и бескрајни говори и паламудења (fyi Ганка беше изсвиркана).

Како вегета на целокупната калакурница што се случува последниве денови: спор со Бугарија, спор со Грција, исчезнати деца, Ламбе милувања и сл... доаѓа и одлуката да се забранат ТВ Нова и ОВН.

И што!? И сега што?

Дефинитивно Саша Барон Коен треба да размисли дека на Борат, Бруно и Али Џи треба да додаде и еден македонски лик, со тоа што нема да има потреба да биде толку креативен и да измислува приказни, само треба да ги интерпретира. И тоа ќе биде доволно за светот вистински да не перципира како „фрикови“.

И за крај:

Диктатура, Здраво!

2009-07-30T14:32:00.002+01:00

И после два дена од објавувањето на веста, сеуште не можам да се стрпам и да не изреагирам.

ФФМ па уште и со поддршка од УЕФА издаде листа на забранети термини во кои домашните телевизии не смеат да емитуваат странски фудбалски првенства затоа што во тие термини се играат натправари од домашното батак-првенство.

Јас се сметам себе си за фудбалски фанатик. Играв и играм, гледав и гледам фудбал во секоја прилика. И оваа одлука ја сметам за дискриминирачка, диктаторска или во најмала рака не-фер.

100% сум сигурен дека оваа одлука нема да промени ништо во македонскиот фудбал, слично како и одлуката да не се продава пиво после 19ч што не може да влијае на намалување на алкохолизмот на населението.

Ќе нафрлам неколку примери за да го оправдам мојот став:

Во мај 2007 се играше финалето на купот на Англија. Играа Манчестер Јунајтед и Челзи. Јас сум деклариран навивач на Манчестер, што значи финалето беше must-see настан. Арно ама се погоди во истиот ден во истиот термин да се игра и кошаркарски натпревар од финалната серија на Струмица и Фени. И се разбира, јас отидов на кошарка, иако и фудбалскиот натпревар одеше на тв. Резултатот од фудбалот го добивав по смс од пријатели :)
Многу градови воопшто немаат прволигаши. Поточно градови кои имаат прволигаши се: куманово, Битола, Кратово, Тетово, Скопје и Прилеп, плус и две села: Џепчиште и Турново. Значи, Велес, Кавадарци, Неготино, Струмица, Радовиш, Штип, Кочани, Кичево, Гостивар... траба да не гледаат фудбал на телевизија затоа што во исто време се игра натпревар во Турново?!
Еве да речеме твојот град има прволигаш кој добро котира на табелата, и одиш на некој дерби натпревар. Кои услови ќе ги затекнеш на стадионите кои ќе ти овозможат пријатен престој од 2-3 часа? Да не правиме муабет за нивото на квалитет на натпреварите, а уште помалку да се задржиме на квалитетот на тревата т.е. ливадата на која се играат натправарите!
Зошто ако во недела Пандев со Лацио игра против Жозе Мурињо ние тоа да не смееме да го гледаме?!
Да се поврзам уште еднаш со првата моја констатација: Зошто некој се плаши дека ако има квалитетен натпревар во живо, некој ќе остане дома да гледа/слуша Сител?
Што правиме со ОБН, Спорт, ДСФ и други слични канали кои ги даваат забранетите натпревари, а истите канали ги пренесуваат сите кабелски оператори!? Елминираме атрактивни рекламни термини за промоција на македонски производи.

Еве нека каже некој дека не сум во право, па да дебатираме...

Алатки ли се алатки

2009-07-22T09:16:00.003+01:00

Листа на апликации и алатки (било десктоп било веб ориентирани) неопходни во мојата работа последниве 2-3 години... Категоризацијата е општа и направена „на прв поглед“, а редоследот е „рандом“.

Office

Notepad
Skype
Outlook
Chrome
Windows Media Player (Winamp)
Microsoft Office
Foxit reader
Win Rar

Design

Adobe Photoshop
Corel Draw
Swish max

Develop

Macromedia Dreamweaver
Notepad++
Fireshot
Window resizer
VSO Image resizer

Web

Firefox
Firebug
Web Development
Joomla
Delicious
Twitterfox
Font Picker
Favicon form pic
Vector Magic
Filezilla
Internet Explorer
WAMP
Last.fm
Linked.in

Секс, не благодарам

2009-06-01T08:50:00.003+01:00

Откако е редизајниран (ако тоа може да се нарече дизајн) новиот Вест, има воведено бројач на посети на секоја статија. Сличен бројач постои и на ИДИВИДИ. И благодарение на тоа приметив некои драстични бројки кои ми никнаа повеќе прашалници в глава.

Слободно може да кажам дека преку 90% од посетите на овие страни се сконцентрирани на ударните 3-4 содржини кои уредниците ги поставуваат на првите места. Чудно е како тие статии се отворени повеќе илијади пати, а содржини поставени во внатрешноста се отвораат одвај неколку десетици пати.

Јас имам две објаснувања за ваквата ситуација:

Уредниците точно знаат што бара читатечската публика и токму тоа го форсираат, или
Посетителите самите се ограничуваат и ги читаат само ударните содржини - чисто колку да се во тек.

Со оглед на тоа што знам колку луѓе го гледаат Јанко, колку се јавуваат на гатачи и колку им веруваат на фаци како Латас, сметам дека токму второто објаснување е релевантно.

Па затоа имам еден предлог до уредниците:

Во текот на една недела статиите од типот: градите на пеачката, гаќите на актерот и разни сексуални совети да ги поставуваат низ внатрешноста на веб страните. Со тоа веднаш ќе се утврди дали стварно тие статии се најбарани, или пак навистина луѓето читаат само тоа што им се „сервира на тацна“.

Сеуште се надевам дека определена сексуална статија не вреди 100х повеќе отколку статија за некој концерт, албум...

Твитам цела година

2009-05-18T09:31:00.003+01:00

Стандардна биографија. Прво не ми се допаѓаше. После немав идеја зошто би служело такво нешто. После тоа го пробав, и еве ме денес - тежок твитераш.

Имам ~1100 твитови, следам 72, а ме следат 97 твитераши/твитерџии.

Она што го издигна твитер во една од најатрактивните социјални мрежи е огромниот број на придружни апликации кои од сервисот формираат одлична целина, и практична и забавна. Твитерот е достапен преку мобилен, преку десктоп или броузерски апликации, постојат можности за смс примање/праќање...

Постои нешто што ми смета кај сите социјални мрежи, а кое како ситуација се појавува и кај твитер: елитизам, или „мерење“ кој колку следи и колку го следат. Сепак, овде поради лесните можности за филтрирање овој феномен е во подносливи граници.

Според мене, оптималното користење на твитер и користењето на неговите предности значи и следење на не повеќе од 100 твитерџии. Со неколку месечно филтрирање секој може да дојде до оваа бројка која ќе му овозможи одлично информирање и супер извор на ресурси. Со бројки од типот 500+ мислам дека губиш секаква ориентација, и тогаш твитерот го користиш како mIRC, и тоа ти одзезма премногу време.

Денес, најдов уште еден уникатен твитер сервис. Се вика Tweetbook.in (линк1 - линк2) и на секој корисник му овозможува сопствените твитови да си ги „издаде“ во форма на книга. Мојата книга во моментов има 64 страници и ќе продолжи да расте и натаму.

Ние и Норвежаните

2009-05-10T03:41:00.003+01:00

Владеачката партија бомбастично објави дека се добитници на престижна меѓународна награда, која го носи името „Линдберк“.

Гуглав да откријам за што всушност станува збор, оти некако многу штуро ми се виде сето тоа. Во прв момент и не открив нешто бомбастично, затоа што таква награда не постои под википедија. Од таму се префрлив на wiki-то на Конзервативната партија на Норвешка, и видов како всушност се пишува извесниот Линдберк. (Sjur Lindebrække). Неговото wiki нема опис дека по него се доделува извесна награда, па од таму отидов на официјалниот сајт на Партијата.

Сајтот е само на норвешки, ама по интуиција ги најдов „последните вести“, а таму и оваа вест: Høyres menneskerettighetspris til Makedonias regjeringsparti. Со помош на гугл транслејт го добив преводот на веста, а поради кубурење со интернет проток не можев да го изгледам и видеото. Ова е преводот на гугл:

Conservative human rights award to Macedonia's government

Jo Benkow handed over the award to Macedonia's Foreign Minister Antonio Miloshoski under the Conservative national convention in Oslo on May 9.

Ruling party VMRO-DPMNE receive the prize for his efforts to promote democracy and human rights in Macedonia.

The party has carried out major reforms that have contributed to increased welfare, more transparency in administration and increased legal protection in the country. This has meant that Macedonia is now closer to NATO and EU membership.

Human Rights prize will be awarded each year at the Conservative national convention and is a memory cost for Sjur Lindebrække.

Еве сепак постои нешто такво, ама па тогаш друго нешто почна да ме мачи.

Како Норвежани не наградуваат и не охрабруваат да влеземе во ЕУ, а тие абер немаат од такво нешто?

Компарација, да не речам споредба

2009-04-07T08:55:00.003+01:00

Скопје: Patty Smith, Kemal Monteno & Zvezde Granda, Passion de Buena Vista...
Нови Сад: Exit Fest: Arctic Monkeys, Moby, Korn, Kraftwerk, Madness, Carl Cox
Белград: Depeche Mode, Madonna
Софија: Depeche Mode
Загреб: U2
Загреб: T-mobile IN Music fest: Moby, N.E.R.D, Lilly Alen, Franz Ferdinand, Yeah Yeah Yeahs, Kraftwerk, Editors

Како и да споредуваш, ние сме нај ЈАКИ!

Ребрендирање

2009-03-02T15:13:00.004+01:00

Веднаш се очигледни резултатите од мојот бес во претходниот пост.

Добив информација дека од денес стапува на сила ребрендирањето на извесната фирма он.нет која се занимава со се и сешто, само не со тоа што го рекламира.

Па така од денес фирмата ќе го носи името оф.нет. А еве го и ребрендираното лого:

on.net sucks!

2009-03-01T20:18:00.000+01:00

Хронологија на настани:

Октомври 2006 - потпишан договор со он.нет на 2 години. 0.5Мб врска и 10Гб трансфер.

31.Јануари 2008 - потпишан анекс договор на 1 година за зголемување на брзината на 1Мб и трансферот на 15Гб.

31.Јануари 2009 - истекува анексот, а со тоа и првичниот договор со он.нет.

10-15 Јануари 2009 - одам во он.нет да се распрашам за нови услови под кои би го продолжил договорот:

- Ме интересира што би добил доколку продолжам со вас и во наредниот период, затоа што моменталните услови се целосно неконкурентни на пазарот?

- Он.нет престана со нудење на wadsl пакетот, така што во иднина ќе бидете префрлени на извесните ДУО пакети со телефон и интернет. Кои се многу постабилни и дрн-дрн и дрн-дрн.

- Добро, а со овој договор шо прајме?

- Овој договор не е проблем, секако веќе wadsl не постои, вие ќе бидете најверојатно префрлени на новите пакети...

- Добро, но јас сум подстанар, и немам намера да си го комплицирам животот со фиксен телефон, со координација со газдата итн... Ми треба само интернет...

- Не е проблем тоа, ние се ќе ви наместиме, а поради тоа што немате никакви обврски со телефонот кон т-хоум, нема многу да ви се одрази дрн-дрн-дрн, еве ги понудите, изберете што најмногу ви одговара...

Се вратив дома го најдов договорот и земав да го препрочитам...

Во него стои клаузула: Доколку корисникот не го најави раскинувањето на договорот, истиот автоматски се продолжува за една година... Занимливо, си реков... Наредниот ден се јавив на инфо-бројот да им најавам дека немам намера да го продолжам договорот... типката нешто почна да ми се „испонашува“, како требало пред 15 дена да го направам тоа. Велам, зошто?, па мене за 2-3 дена ми истекува договорот, и видов дека во истиот сте пишале дека автоматски ќе го продолжите, па еве јас најавувам дека го раскинувам...

- Епа господине, штом сте виделе дека стои таа клаузула, сте виделе дека пишува раскинувањето на договорот да се најави еден месец порано.

- Млада дамо, јас не го раскинувам договорот, мене истиот ми истекува. И НЕМА ДА ГО ПРОДОЛЖАМ! А вие веќе кога знаете за истата таа подмолна клаузула, јасно е дека немате намера да ми се јавите и да ми кажете: Вака-и-вака, ви истекува договорот, гледаме дека над 2 години редовно го користите интернетот и си плаќате уште поредовно, па ние би сакале да ви понудиме нов договор под овие-и-овие услови...

Добив нешто како: не се прави многу паметен...

Истиот ден отидов во салонот во сити галери да го потпишам раскинувањето. И таму истите овие кавги наведени погоре, за да на крај најдеме соломонско решение: Следните 10-15 дена ќе дојдеме да ја демонтираме опремата, во тој период ќе имате интернет и ќе си платите само за деновите колку што ќе го користите интернетот...

Помина точно цел месец, и на 28.02.2009 во 15:30 добивам повик: Имате рок до 20 часот да се појавите во салонот во сити галери да си ја платите сметката за цел месец фебруари и пенал од 1.000 денари, во спротивно ќе ви се генерира сметка и за МАРТ!?!??! Ама што како... (и во стилот на али-џи) дис фонкол из овер!

И покрај тоа што имав редица други планови за тој ден - јасно беше дека ќе морам да мењам нешто во агендата...

Отидов во сити галери. Викам, пред еден месец рековте за 10-15 дена ќе дојдете да си ја земете опремата, и дека ќе платам само толку денови, а сега барате од мене и пенали да плаќам!? по која основа?

- По основа што не сте најавиле на време дека го раскинувате договорот!?

- А вам што ви требаше 30 дена да го разгледате моето барање - и да ми се јавите во сабота во 15:30 со ултиматум... колку пенали вам треба да ви се побараат?!

- Ние не одлучуваме за тоа, не се јавуваме никому, и системот сам генерира се!

Кавгите продолжија едно 15-20 минути, и секој што во тој момент доаѓаше во салонот го известував: ако си за нов договор со нив - оди си, не се заебувај како мене!

И на крај девојката реши дека треба сум среќен што нема да ми се издаде сметка за март. Платив со кредитна картичка, прво 1.000 денари пенал, а потоа и 1.286 денари, колку што е фактурата. Сосем случајно забележив дека втората наплата ми ја направи на 2.286!?

- Зошто?

- Чекај да видам!? Ауу системот така ми ја издаде!?

- Молам?!

- Еве, некако ми ја издаде на 2.286?

- И сега?

- Епа еве ќе ти дадам потврда, оди во Тутунска и повлечи си 1.000 денари?

- МОЛАМ, СЕГА И ПО БАНКИ ДА СЕ БАФТАМ?! Нема шанса!

- Добро бе дечко, еве од мој џеб ќе ти дадам 1.000 денари..

- Фала богу дека ќе ми дадеш, а за вашиот совршен систем викни го сега трендо да го дебагира!

Откако се расчистивме финансиски, ми даде потврда за сите плаќања и одговор на барањето за раскинување на договорот. Ама ништо не ми даде за опремата. Си излегов од таму и веднаш направив план: ОПРЕМАТА ОД МЕНЕ НЕ ЈА ДОБИВААТ.

Ќе ми стои во некој шкаф, ама битно не им ја враќам.

Како спомен од едно големо другарство!

п.с. Споменот може и да избледне ако некому му треба моторола wadsl приемник! го давам по фер цена :)

Почит кон 2008-ма

2009-01-06T01:53:00.005+01:00

Го избегнав шпицот на пишување на ретроспектива на изминатата година од личен и општ аспект, ама и сега не е доцна, особено што сеуште сум на одмор. Улежан, скроз.

Годинава за мене беше прилично активна. Приватно немаше многу драматики, а тоа секако ќе си го оставам за себе, а професионално имав ангажмани кои ме правеа среќен. Имаше периоди, а ќе ги има и во следниот период, во кои ќе посакувам денот да трае барем 34 часа, или барем да можам да издржам со спиење од 3-4 часа.

Покрај главното работно место во ФорНет, големо внимание посветив во стартување на „фамилијарната“ фирма Брокер Инц. и развојот на порталот за инвеститори Брокер.ком.мк. Идејата стартуваше некаде во фебруари-март и од тогаш е во постојан и непрекинат развој. Резултатите се многу охрабрувачки, а како круна на вкупниот ангажман беше победата на WSA (World Summit Award) во категоријата е-бизнис. Брокер има уште дузина идеи кои треба да се реализираат во следниот период така што голем дел и од оваа година ќе ми биде посветен на овој производ.

Останатите кои ме радуваат се Твој Дом, Мовенс, Improving-Performance, Партнер...
Годинава ми беше омилена во поглед на растот на социјалните мрежи и разните веб ориентирани апликации. Кајмак.от и Твитер ми се фаворити. Најчесто поради нив и рсс-читачот не го стартувам со денови. Еве ја ретроспективата за 2008-ма што спонтано ја иствитавме.
Музиката повторно ми беше голем другар, иако не сум баш среќен во поглед на албумите кои излегоа годинава. Скоро и да немаше изненадување, ами рутински изданија. Би ги издвоил Елементал, Аланис Морисет, МГМТ и се разбира Депеш Мод. Сите твитерџии знаат зошто :)
Се навлеков на серии. Тоа е веќе официјално. Генерално според робусноста и времетрањето најмногу време ми одзема 24. Ги изгледав сите 6 сезони, филмот Редемпшн и интрото за седмата сезона. Ретко кој од поширокото мое опкружување го сака Џек Бауер, ама серијата ги заслужува сите мои комплименти. Дискутирам исклучиво од аспект на Ентертеинмент.

Особена почит истакнувам и кон How I met your Mother, The big bang theory и My name is Earl. Со првите две сум во тек, а со Ерл и Ренди сум на пола пат.

Сериите се „права ствар“ во моментов. Како витамини. Особено што годинава беше оскудна со добри филмови.
Спортот како мој голем пријател исто така ми остави позитивни импресии. Моите тимови освојуваа титули, победуваа дерби натпревари, ми ствараа адреналин, ме полнеа со нервоза и ме забавуваа до крај. Фентази лигите во фудбал и нба кои ги играм ми се пасија. Олимпијадата беше периодот кога го користев годишниот одмор. Неколку пати одев на Градски и во „нашата убавица“ Борис Трајковски. И се радував. Ова беше одлична спортска година.
За разлика од мојот „микрокосмос“ кој е симпатичен, реален и интересен, макро состојбата годинава е дно. Ќе гo линкувам овде пресниот пост на Паблишер, иако излегоа и „миљон“ други постови кај други блогери со жестоки критики кон се што се случува во државата: Вуна, Владо и др... Кампањи, Хунзи, Избори, Името, Лаги до бескрај. И слободно може да кажам ако некој е среќен со развојот на настаните во оваа замаглена и забарикадирана земја тогаш тој сигурно е подеднакво замаглен и забарикадиран од аурата на оваа власт.

Во новата 2009 си посакувам себе си за нијанса поуспешна година. Особено во делот со финансиите :)

На сите блогери, твитерџии, кајмакари им посакувам читани постови, интересни реакции и плодни и корисни дебати.

На Брокер.ком.мк му посакувам продолжување на растот со исто ниво. Да продолжи да и пркоси на кризата.

А на државата не и посакувам ништо.

Depeche Mode

2008-10-30T15:41:00.003+01:00

Владо преку твитер пред некое прогласи Депеш Мод период, па ме навлече и мене да се потсетам на нив.
Групата и музиката која ја прават не трпи ранг листи и бест-оф зафрканции, ама сепак една песна ми отскокнува уште од прв пат кога ја слушнав. Breathe од Exciter.
Некој може ќе каже дека е досадна жалопојка. Па добро ете, таа ми е омилена.

Broker.com.mk

2008-10-15T11:43:00.002+01:00

Преку Netvibes направив виџет со последните вести од Broker.com.mk. Овде десно на блогот е поставен истиот, а доколку сакате кодот можете да го превземете овде.

Брокер.ком.мк е дневен инвестиционен водич, со бизнис вести од Македонија, Регионот и Светот, дневни анализи на берзите, голем број берзански податоци, графици за сите актуелни берзи, инвестициски совети, статистики за македонската економија... и уште нешто плус...
Ако некого го интересира ова, овој виџет мислам дека ќе му заврши работа.

Исланд - Македонија

2008-10-10T13:50:00.005+01:00

Полека повторно не зафаќа спортска еуфорија. Можеби и најинтензивна во нашата историја, затоа што покрива голем број спортски полиња. Ако се изолираме од Олимписките игри, полека се вклучуваме во сите други големи натпреварувања. ЕУ Кошарка, СП Ракомет (м), ЕП Ракомет (ж) плус домаќини, Тенис, Ватерполо, Куглање...

Доаѓа периодот кога сите наши деца што посовреме си го фатија патот во странство овде да го валоризираат искуството од „белиот свет“. Башка се појавуваат веќе и со локален „селебрити“ и „адвертајзинг“статус. Нешто што не е честа појава кај нас.

Ќејф ми беше кога видов пред некој ден како сме напредувале 10 места на ФИФА ранг листата. Иако јас искрено имам спорено за веродостојноста на таа листа, но во секој случај се работи за, можеби не најидеалното, но, најактуелно фудбалско рангирање.

Како и да е, доаѓа натпреварот со Исланд. Еден од најважните натпревари за Македонската Фудбалска репрезентација во нејзината 15 годишна историја. Ме радува тоа што и 10тина дена пред натпреварот почна да се „крева прашина“ низ нашите медиуми, да се најавува овој момент, кој за нас може да биде историја. Не дека ќе не однесе во ЈАР2010, но ќе ни даде до знаење дека кај нас конечно „има нешто“. Арно ама некако секо

ј ден се крева истата прашина, некако многу сувопарни стануваат извештаите и најавите со само пар сменети зборови во однос на вчерашното издание на вестите.

Цели 57 позиции е разликата меѓу Македонија и Исланд на скалата на ФИФА, но колкав е реалниот квалитативниот јаз меѓу нас и островјаните.
Рејтингот ни годи но и не обврзува да ја оправдаме наметната фаворитска улога.
„Не очекува еден тежок натпревар сите мислат дека Исланд е, како, со послаб рејтинг од нас и дека е послаба репрезентација. Меѓутоа не се сложувам со нив, Исланд е доста квалитетна репрезентација и сигурно ќе не очекува тежок натпревар“, истакнува Влатко Гроздановски.
„Меѓутоа верувам во своите соиграчи и се надевам дека ќе оствариме поволен резултат што сигурно е победа за нас“, додава Гроздановски.

Откако еднаш бев искритикуван дека наместо да спорам кон медиумите подобро сам да превземам нешто, денес ќе пробам да склопам едно „привју“ за натпреварот, како што тоа се прави низ тој споменатиот „бел свет“.

Играме во среда во Рејкјавик. Исланд дома овие квалификации има играно само со Шкотска, пред еден месец, кога загуби 1-2. Поразот од Шкотска дојде по одличното реми 2-2 кај Норвешка каде Исланд два пати се враќал од негатива.

Ние овој циклус исто така имаме одиграно два натпревари. Сите ја знаеме победата над Шкотска, и сите уште не боли несреќниот пораз од Холандија. Добро е што во овој Октомвриски термин играме само еден натпревар, и тоа дури во среда, откако претходно се играат натпреварите Шкотска - Норвешка и Холандија - Исланд. Овие натпревари може многу да ни ја избистрат глетката пред да се појавиме во Исланд.

Исланд не би требало да биде никаков проблем за Лалињата в сабота. Па можеби и самите Исланѓани ќе одат на тој натправар со „мала гас“. Значајни ќе бидат првите 20-25 минути. Доколку Холандија не успее да постигне 2 гола во овој период тогаш би се очекувало многу тврд и груб натпревар кој може да ги исцрпи Исланѓаните. Што за нас ќе биде добра основа. Доколку бидат декласирани со резултат од типот 4-0 ќе биде попроблемати

чно за нас. Ако може да се земе за репер ремито кај Норвешка, па поразот дома од Шкотска, за нас најдобро би било в Сабота Исланѓаните да загубат 1-0, 2-1, или пак да извадат реми.

Но, теоријата и не е толку битна. Да видиме што се случува со составите:

Најдобри делови од играта на Исланд се одбраната и нападот. Таму играат и најискусните и најквалитетните нивни играчи. Назад се предводени од Храидарсон и Стеинсон од

Премиерлигашите Портсмут и Болтон. Научени на тврда и бескомпромисна игра. Им помагаат двајцата Сигурдсон, од Норвешкото Првенство. Немам точно претстава со каква формација настапува Исланд. Но во секој случај имаат добра солидна одбрана. Голманот не им го знам, и за него нема ништо да коментирам.

Нападот им главниот адут. Ги имаат Гудјонсен од Барселона и Хелгусон од Болтон. Незгодни играчи се, класични стрелци, особено Гудјонсен.

И доаѓаме до средината, нешто што мораме да го искористиме доколку сакаме победа в среда. Освен Гунарсон од Ридинг и Халфредсон од Реџина, немаат други играчи кои играат во респектабилно првенство. Останатие кои ги имаат се млади играчи со по 22-24 години, без поголемо интернационално искуство - што значи и не баш воиграни. Овој состав на Исланд максимум има одиграно 20тина натпревари заедно.

Од друга страна пак, ние имаме голема предност на повеќе позиции. Голманот Милошевски претставува нашиот ван дер Сар. И по годините и по натпреварите за нашата репрезентација. Често ги има реметено големите имиња кои ни се спротивставиле. Да речеме натпреварот со Англија овде во Скопје. Доколку Петар е на нивото на кое сме навикнати да го гледаме - само грешки во одбраната и некои страшни удари од далечина може да му дозволат да прими гол.

Одбраната е дефинитивно најдоброто нешто во нашиот фудбал, можеби и во историјата. Иако Катанец игра со 3 класични дефанзивци и 2 крила, ретко кој не има надиграно. Седловски, Митревски и Новевски имаат огромно меѓународно искуство, плус заедно настапуваат веќе 30-тина натпревари. Крилата Петров и Лазаревски знаат и можат подобро, иако често се жртви на тактиката на Катанец. Доколку ги унапредат своите долги додавања ќе бидат додатен адут во нашиот тим. На натпреварот со Исланд би требало повеќе да ги ништат крилните акции и додавања на противникот. Веројатно Катанец е свесен дека предноста мора да ја направиме на средината. Направи добри одлуки со промените против Холандија. Очекувам и во среда одлично да изигра.

Шумуликовски ќе игра сигурно, само не знам кој ќе му прави друштво. Гроздановски, Тасевски или Трајчов. Битно овде ќе се прави клучната разлика. Нападот ќе биде помаган од Пандев, а истурени би требало да бидат Мазнов и Стојков/Ристиќ. Освен од средината, јас конечно ја очекувам Ѕверската уткамица од Пандев. Сите знаеме кој и што е Пандев во Лацио и Италија, ама кога игра за Македонија (кој што сака нека каже) не е она што може да биде. Очекувам барем една негова симултанка во нашиот дрес.

Предности за нас: Воиграност, Среден ред, Голман.

Наши негативности: Пад на мотивација, Пад на концентрација.

Може малку и затупив. Се разбира, не сум спортски новинар :)

Google Chrome, т.н. Хромата

2008-10-01T10:34:00.003+01:00

Бев еден од оние пар илјадници луѓе кои на најавениот ден за објава на Хромата стискаа ф5 секој саат, и еден од оние неколку пара милиони кои беа воодушевени „на прва топка“ од новиот Гугл прелистувач.
Факт е дека Гугл Инц. помести постоечки и постави нови критериуми во целокупниот интернет свет, а освен тоа постигна ѕверски економски раст на кој и азиските тигри можат да гледаат со подотворена уста.

Откако помина еуфоријата јас продолжив да си ја користам Хромата, но мора да признаам не како примарен прелистувач (броузер, де). Поради тоа што работам главно веб дизајн, веб-девелопер екстензиите за Фајрфоксот сеуште драстично ми ја олеснуваат работата, за лесно да ги напуштам. Хромата ја користам за се друго.

Но, мора да признаам дека Хромата има недостатоци кои се очигледни и кои не би требало да се случуваат. Луѓето имаат направено премногу, за на некои (според мене) ситни ствари да паѓаат. На пример, прикажувањето на Флеш анимации (Flash). Скоро и да нема веб страна која не користи нешто од оваа технологија, па дури и некои од гугл сервисите (ЈуТјуб), а Хромата скоро и да крахира во прикажувањето на флешовите. Имам навика со десен клик на некоја анимација да проверувам дали таа е флеш или не (гиф, ајакс и сл...), па кога кликам врз флеш во Хромата минат 5 минути додека да се свести.

ЈуТјуб го спомнав затоа што таму е најочигледно, затоа што сите контроли на плеерот се флеш, па ме фаќа сафра кога гледам клипчиња преку хромата.

Понатаму, основата според која луѓето од гугл го објаснуваат постоењето на хромата е нејзината френдли-ориентација спрема веб апликациите. Но, тоа искрено во оваа бета верзија баш и не се приметува. Често се случува Хромата да затупи на логирање на хттпс страни, бавно вчитување на големи динамични веб страни, па дури и вчитувањето на Ајакс знае да прави проблеми...

Останатите аспекти од феноменот Гугл Хром се елаборираа ваму-таму, така што овде нема ништо повеќе да тупам. Би препорачал да го прочитате и текстот во новото издание на Click (каде Хромата е и на насловна), каде ако ништо друго ќе ги осознаете сите работи околу овој пребарувач - НА МАКЕДОНСКИ.

Elemental

2008-09-21T12:34:00.004+01:00

Дојдов до еден албум кој ми ги враќа тинејџерските денови во овие сиви студови.

Бендот е од Хрватска, се вика Елементал, одамна ги вртат на МТВ Адриа, ама јас ретко им давав шанса. Сега го имам комплет последниот албум (Под притиском) и ептен ги „заценив“.

Spustim pogled i ne vidim dno,
al guram dalje, guram dalje…
Dignem pogled i nevidim nebo,
al guram dalje, guram dalje

Čini mi se, mijenjam se, netko novi postajem
Dignem pogled i nasmijem se…
I guram dalje, guram dalje.

Во основа се работи за поп-рок-џез позадина, со хип-хоп лирики и меинстрим рефрени. Текстовите им се фини, имаат бунт кој е малку по издржан - отколку тинејџерскиот рап: „Јас-сум-најјак-ебете-се-сите...“ и добро функционираат и за дневно слушање и за ноќни седенки со пиво (ако стигнете да си купите преку ден...).

Вокалите се поделени на машки и женски, Shot и Remi. Remi е типката која има ко-настапувано со скоро сите битни балкански хип-хоп изведувачи, и баш е пријатна за слушање.

Албумот има 16 песни, и трае околу 73-4 минути, нешто што за балкански услови е еднакво на два албума. Но со оглед на тоа што претходниот албум го издале дури во 2004 јасно е дека имале голем креативен период. Фино, јасно и гласно го препорачувам на секој.

За крај еве ја балканската политичка ода:

Zašto te imam kad ne daješ mi ništa
Zašto te imam kada ne čuješ moj glas
Da li padnem koji put ja na pamet
Dal' ikad staneš malo pomisliš na nas?

100-ти пост

2008-09-10T12:29:00.003+01:00

во потрага по креативен импулс се зафркавав со некои фотошоп туторијали, па еден од нив го искористив да си направам постерче, или тапетичка.
откако испадна интересно решив да го ставам на блог.
откако се логирав на „дешбордот“ видов дека ова ќе ми биде 100-ти пост.
интересна коинциденција. 100тиот пост посветен е на мојот псевдоним, на урл-то на блогот, и на сите оние неколку илјади посети во последниве 17-18 месеци како постои овој блог.

A1 Немирна

2008-09-04T12:00:00.007+01:00

Македонија в сабота почнува нов циклус квалификации во кој или ќе бидеме втори или ќе бидеме последни. Ништо помеѓу.

Првиот натпревар е овде кај нас, на руината од Градски со лајф сапорт од кинескиот ѕид :) при што скоро сум сигурен дека пак камерите ќе бидат поставени на јужна и ќе се гледаат градежните активности на и отаде северната трибина, иако скоро сум сигурен дека не постои никаква пречка камерите да се постават на север и да се гледаат клупите за резерви и декорот на јужна.

Неврмајнд. Не ми е тоа муабетот.

Споменатиот прв натпревар го играме против Шкотска. Скоро сум сигурен дека ќе ги победиме. А освен тоа посебен шарм на овој дуел треба да му дадат надалеку оговараните шкотски навивачи (со килтови) кои веќе пристигаат во нашиот град.

И уште поголем шарм даваат нашите медиуми. Конкретно веста што ја видов на А1.

Од македонската полиција е подготвен оперативен план за бидат избегнати какви и да е инциденти.

Зошто на два дена пред натпреварот се прави овој муабет? За да се подгреат немири и инциденти? Зошто новинарите не напишат:

Атракцијата со килтови пристигува во Скопје. Како места за забава ги одбраа кафулињата во ГТЦ и таму чекаат спремни за дружба со локалните љубители на фудбалот. Сите заитересирани за мерење на Пандев наспроти МекФаден, Шумуликовски и Флечер, Милошовски и Гордон нека повелат на весела дружба со локално пиво (се разбира до 19 часот).

Вака даваат повод само на извесни фрустрирани структури да „си ја направат интересна.“

----

Update цитат од википедија: Tartan Army have won awards from UEFA for their combination of vocal support, friendly nature and charity work!!!
Scotland away matches are generally accompanied by a low level of policing due to their good behaviour over the years!!!

Леле мајко... за каде сме ние?!

Отворено писмо

2008-09-01T11:16:00.004+01:00

Почитуван Мишел Платини,

Ти се обраќам во име на Македонската нација. Тоа е онаа нација што има проблем со себе и со сите околу, а вие најмногу би можело да не знаете по проблемот со поранешните европски шампиони во фудбал, нашите јужни соседи - Грција. Се разбира постојат и други ситуации за распознавање на нашиот идентитет, како на пример златната копачка (лопата) Панчев и неговиот скоро презимењак Пандев.

Ти се обраќам со ова писмо, во својство на најголемиот спамер (трагач по правдина - преродбник) да те замолам една работа: да се соберете таму паметните глави во УЕФА и да решите натпреварите од Лига на шампиони, разни квалификациони натпревари, Купови како уефа и сл, да не се закажуваат подоцна од 18:45 (со букви - Осумнаесет часот и четириесет и пет минути - или по „америчко“ - шес и чет’рспет пи ем).

Има повеќе аргументи за ова мое барање кое се чини ќе разреши многу проблеми кои надоаѓаат, а можат да не начекаат сите нас неспремни.

1. Во светот владее енергетска криза, која кај нас се рефлектира со двоцифрена инфлација, па доколку натпреварите би почнувале најкасно до 18:45 ќе се случи голема заштеда на електрична енергија. Осветлувањето на стадионите, осветлувањето на просториите во стадионите, куќното осветлување на луѓето кои гледаат... Сето тоа вака од ракав би значело 12.847.000 евра на годишно ниво. (не се сеќирај за ова „од ракав“ - тоа е пробано кај нас и функционира)

2. Втората причина е од биоритамски аспект. Сите знаеме дека домашните првенства се играат генерално во дневни термини, цирка 15-16 часот, со ретки исклучоци за дерби натпреварите кои се играат подоцна. Затоа би било фер кон самите фудбалери да немаат многу флуктуации во термините, како и резултатите би биле поврвни.

3. Третата, а можеби и најважна причина е од наш, локален аспект. Имено ние донесовне закон со кој никој не смее да купува алкохол после 19 часот. Тоа е многу добра мерка која очекувам и вашите западно европски култури да ја прифатат - оти е одлична. Значи зборот ми е, долгата традиција на збирање по станови и гледање фудбал со пиво единствено може да биде одржана со прифаќање на ова мое барање. Барањето добива на тежина особено со навиката луѓето да се договараат и збираат непосредно пред стартот на натпреварот, кога ги реализираат и набавките на споменатите намирници во алкохолна форма. Е сега кога би останал распоредот на натпреварите како што е сега, луѓето не би можеле овој социјален момент да го запазат.

Како што спомнав, прашање на време е кога вашите земји ќе ја прифатат оваа наша преродбеничка мерка, па како не би имале и вие непријатности би ве замолил кон ова барање да одговорите позитивно во најкраток можен рок. АКА СЕГА. Уште од прво коло на Лига на шампиони, оти нашиот закон стартува денеска.

Искрено,
Г’уевски
Претседател на преродбеничката влада на Република (надалеку попозната под многу варијанти)

RIP Syd Barrett (со закаснување - големо)

2008-08-25T18:22:00.003+01:00

Се потсетив денеска на златните денови во средно кога киснев до грамофонот на татко ми слушајќи ги The Wall, Animals, Dark side of the moon... и подоцна The final cut, Wish you were here плус разноразни збирштини и Pink Floyd компилации...

Па уз муабет ми текна на составот што за една писмена по англиски го пишував прибирајќи податоци од тогаш скромниот без-гугл-вики-интернет, за Сид Барет, и реков ај да видам „што има ново“. И видов дека човекот си заминал, и тоа уште во 2006.

До толку читам весници и пратам новости ама оваа вест или ми се спровнала, или пак ретко кој и ја забележал.
За оние кои ги мрзи да читаат википедии, да кажам дека Сид е еден од основачите и прв вокал на бендот - во периодот 1964-1968. Што се вика ја извадил групата на прав пат во период во кој издале два албуми и станале популарни. Таа слава му удрила в глава на Сид ти тој исчезнал губејќи секаков контакт со сите.

Кога во 1975 година групата го снимала албумот Wish you were here, за време на студиската сесија во која требало да ја изведат песната Shine on you crazy diamond, Сид се појавил во студиото. Ненајвен воопшто. Никој од бендот не успеал да го препознае, затоа што бил видно поправен и целосно избричен (освен косата вклучувајќи ги и сите телесни влакна дури и веѓите). Случајно или не, бендот планирал нему да му го посвети целиот албум, а оваа песна била само за него.

Колку е ова морничаво толку е и спектакуларно како и целокупното творештво на Пинк Флојд.
Сид до крајот на животот останал да живее во замокот во Кембриџ и контактирал само со неговата сестра, која му била единствен прилив на информации од „надворешниот свет“. Иако се претпоставува дека Сид имал нарушено ментално здравје, неговата сестра тоа го демантира, а како причина за смртта се наведува боледувањето од рак на панкреасот и долгогодишните компликации со дијабедисот.

Ова е мое мало оддолжување за тоа што предоцна разбрав за неговата смрт. Нека му е лесна земјата...

Foltin Vs. K-15

2008-08-15T20:29:00.002+01:00

Го гледам сега спотот на Милице, Милице од Фолтин (не го најдов на Јутјуб) и изгледа ми се разоткри една мисла што ми се вртеше низ глава пред некое време.

Наиме, дали песната „Ногу љубам да веслам“ од Дуо Трио ака К-15 е напишана од Фолтин?

Со оглед на тоа што спотот на Милице е сниман пред истите темно црвени завеси како и тој на К-15 може да заклучам дека генијалната музика е сепак на Фолтин.

Snapcasa

2008-08-14T10:49:00.002+01:00

Го пробувам овој сервис.

Батали, не е интересно...

Publish Yourself Online

2008-08-11T07:50:00.003+01:00

сите гледаме како веб2.0 сервисите никнуваат како печурки (веројатно надевајќи се да ги купи гугл или јаху за 4551 катарљарди). често мора да се признае дека нивното сиже е крајно бедно, но овој сервис мислам дека заслужува позитивен публицитет. се работи за Scribd.
Scribd is a San Francisco startup company changing the way people share documents online. You can think of Scribd as a big online library where everyone can publish original content, including you!

Since Scribd launched in March 2007, it has become one of the top 300 websites on the Internet, receiving over 20 million monthly visitors. It has also accumulated over 17 billion words in its library, making it five times the size of Wikipedia.

Го немам „прочепкано“ многу, ама од тоа што набрзинка го видов ми стана криво зошто сега не треба да правам дипломска :)

Smart is the new sexy

2008-08-06T21:06:00.005+01:00

Ќе изигравам малку Crapwerk, па ќе ја коментирам/препорачам мојата омилена серија во овој период, а за која скоро и да не сум прочитал ништо на македонски.

Се работи за минато-сезонскиот хит на CBS, наречен The Big Bang Theory.

Класична ситком серија во стандарден 22-3 минутен формат.

Главни ликови се двајца гик-н’рд физичари. Шелдон и Ленард. Доктори на науки, осовојувачи на сите можни награди од областа на физиката и сконцентрирани на освојување на Нобеловата.
Живеат заедно (in seporate heterosexual bedrooms) и имаат комшиВка - Пени. Келнерка.
Друштво им прават големиот мачомен, Евреинот Воловиц, и човекот што не може да разговара со женски - Индиецот Раџ. Исто така инженери-физичари. Н’рдови такоџе!

Во текот на септември ќе започне втората сезона, а првата сезона поради познатиот штрајк имаше 17 епизоди.Ги имам сите и секој заинтересиран откако ќе ги изгуглизира, јутјубира, википедизира и ќе остане заинтригиран даунлоудирањето може да го избегне со праќање порака во коментари, стојам на располагање да ги „спржам“ секому :)

При очи и уши, слепи и глуви

2008-08-06T12:18:00.002+01:00

Не знам точно како одат работите околу акредитација на новинари и фоторепортери за големите настани кај нас. Знам дека Литум рекордс пред некој такви настани објавуваат некаква си апликација, а после како оди процедурата не знам.

Но претпоставувам дека мрмкање за ГРАТИСИ постои „на велико“.

Е, откако истите тие новинарчиња ќе се впуштат во задачата наречена известување од концерт се случуваат толку слатко-горчливи работи. СтраФ да те фати.

Ја ногу љубам на концерти да одам. Значи стварно колку љубам. Години наназад. Кога весниците не излегуваа он-лајн „ривјуата“ од концертите на кои сум бил ги режев од весниците. И имам еден албум во кој ми стојат сите влезници, флаери и критики.

Она што ме боли е што и после скоро 10 години од мојата концертна активност не се случило некој настан да биде комплетно прецизно покриен. Редовно во 80% од изданијата има такви страшни грешки во известувањата што целосно се извртува работата за дадениот настан Х, што ако не си бил подобро да не ги читаш.

Последен пример, претпоставувате, е концертот на Лени Кравиц. За овој концерт верувам дека се барале гратиси преку трупа. За браќа сестри роднини и балдазки. И кога излегоа во понделникот/вторникот „извештаите“ да не знаеш на кај да фатиш.

Ако се земе Унија на извештаите: тајмингот на Ареа се движеше од 8:30 до 9:30. Трањето на настапот од 20 до 40 минути. Концертот на Лени Кравиц траше од два до дваипол часа. Публика имаше од 10-15.000.

Ама ај ќе речеш тоа се некои тривијалности. Но затоа пак коментарите за трак-листот се вчудоневидувачки. Во серија весници беа наведени песни кои воопшто не беа изведени на концертот. Како на пример Итс тајм фор лов револушн (од која Лени без никаква придружба само еднаш-два пати го почна рефренот - акапела) и Ај билонг ту ју. Па уште и заносни коментари како баш на тие песни публиката полудела!?! WTF.

Ако не го знаеш Лени Кравиц, т.е. ако не го слушаш, а си пратен на задача да известуваш потруди се малку повеќе, отколку само да препишеш од некаде кои песни се често на репертоарот.

Во македонското музичко новинарство од поновото време сакам да му оддадам само почит на Даниел Михајловски. Трагично загинатиот новинар на Дневник/Антена и колумнист (чинам на он.нет). Кај него вакви непрецизности беа недопустливи. Друго е што мене не ме бендисуваше затоа што 70-80% од извештаите му беа со негативни критики по било која основа (организатор, светло, озвучување, артист, публика). Ама тоа сега не е ни време ни место да се коментира. Типот во секој случај заслужуваше внимание, додека не се случи тоа што никој никому не го посакува.

Spam!

2008-07-31T07:44:00.002+01:00

Уште не знам дали спамерите ги остваруваат своите цели со тоа што секојдневно го трујат инбоксот на недолжни граѓани, но затоа сега го имаме вистинскиот момент/пример тоа да го дознаеме.

Особено ако Груевски со сите свои спам активности го реши Егејското прашање.

Amy The Ska

2008-07-28T09:12:00.003+01:00

ја знаете таа поговорка: кој многу зборува кога тогаш ќе тресне некоја глупост!

така и јас. на толку симнување музика кога тогаш ќе најдам нешто јако! така беше пред нешто повеќе од годинаипол, кога прв пат ја симнав Amy Winehouse. после некое време излезе спотот Rehab, а после некое време таа стана урбан мастер меинстрим мадафака.

е сега, додека не почнале да ја даваат на ексклузив, а не сте ја нашле на некој рапидшер-музика-блог еве ви „ексклузивна“ можност да го симнете новот ЕП „The Ska“. името е доволно. и тоа е баш тоа. ската!

Женски + Сингл

2008-07-21T11:11:00.003+01:00

Општо познатата теза која кружи низ Македонија последниве 10тина години, дека Струмица е град со најмногу женски по глава на жител, држи вода во пракса само до 01:00 часот по полноќ. До тогаш има 65% женски и 35% машки. А после тоа има 75% машки, а 25% женски.

е дек оот сите женски!?!?

Не знам и јас. Она што го знам е дека The Verve издаваат нов албум во август. Веќе го имам пилот синглот Love is noise. Може и вие да го имате ако си го земете од овде.

живот во 2д, и минута и пол

2008-07-07T10:37:00.004+01:00

се острам сам себе си во последно време, да се посветам малку на 2д анимација. па малку јутјубирам денеска. и го најдов ова. сега не знам дали да продолжам со мојот план, или не?!

стварно!

Ретро Албум со сликички

2008-06-26T12:36:00.002+01:00

Штовани публикуме,
Доколку некој има било каква информација во врска со албумот за сликички т.н. „Снупи“ го молам да ја сподели со мене.
Под информација спаѓа се можно, од период на издавање на албумот (по моја проценка некаде 1988-1990) до некоја фотка од некој преживеан албум.
Се сеќавам само дека бев ептен мал и дека го збирав (согласно моите можности). И се сеќавам дека бев многу среќен :)
Инаку на овогодинешниот Панини Еуро 2008 ми недостигаат уште 2 сликички, и веројатно денеска ќе ги нарачам.

Нови цени на бензините...

2008-06-25T10:16:00.001+01:00

Одлично

2008-06-22T10:56:00.006+01:00

Знаев дека не може долго да трае постот на мојата навивачка радост, ама дури ни јас не очекував дека толку добро ќе испадне:

Ама сепак и вечер ќе корнам нокти Шпанците да бидат единствени со 9 бода што ќе поминат во полуфинале!!! Само Италија - НЕ!!!
--------------
Обнова:
Така и излезе. 4/4. Сега сакам финале Германија-Русија. Класика!

Везилке везилке

2008-06-19T14:35:00.004+01:00

Македонска класика.

Ремек дело.
Екстремно добро нешто.„Се проѕеваш, се тегнеш
Наспана и гладна“
Зборувам за песната од новиот албум на Фолтин - 120, ака Везилке везилке!
овде!

Мачење во живо

2008-06-18T03:52:00.002+01:00

Ништо не ми оди на спортско/навивачки план денеска.

Ај здравје.

Roisin Rules

2008-06-16T13:12:00.001+01:00

Кратко видување кон концертот на Рошин Марфи.

Концертот се одржа во саботата, во Хард Рок. Прилично контра простор од сите кои сум ги посетил. Во секој поглед. Дијаметрално спротивно чувство, од сите претходни, на кои и навикнав. А навикнав на Саем-Таксиратско окружување. Пиво во картонски чаши, слабо осветлување и добра забава.

Овде ја имаше само добрата забава. Наместо широки пантолони и памучни т-мајци, се носеа кошули и деколтиња. Се пиеше џин-тоник и коњак. И фенси беше. Абе шема :)

Организациски се беше одлично. Од кампања, од печатени материјали, од изгледот на картите, па дури и тајмингот. Кој за Авалон обично е црна дупка. Само 40тина минути подоцна од најавеното. Но рака на срце целата публика пристигна 15-20 минути покасно... Скопски синдром.

Бендот уште во старт беше решен да се забавува, и тоа е одлична работа за било кој концерт. Не беа дојдени индустриски да отсвират и роботски да си заминат. Рошин е будала. Во најпозитивна смисла. Иако јас ја сметам за супер-ѕвезда, воопшто не даваше такви сигнали. За менувањето на гардеробата, капите и очилата сите ќе зборуваат уште некое време. Но вистинското нешто кое Рошин го презентираше е кристалниот глас. Толку лесно пееше на толку искршени ритми и со толку многу играње. Секоја чест. Ни еден момент не и побегна.

Повторно како и кога беше овде со Молоко, концертот го почна со суптилно најавување на првата песна уште од позади сцената. Неколку минути потпевнуваше, додека на сцената се претставуваа другите членови од бендот. Се појави како учителка од петто до осмо. За подоцна да го презнетира остатокот од шкафот понесен на оваа турнеја.

Како најмоќни изведби мора да ги издвојам: Ruby Blue, Primitive и Forever More. А врв, и изненадување за мене беше феноменалната Truth. Песна од пред неколку години, кога уште како членка на Молоко соработувала со Handsome Boy Modeling School, во која хип-хоп делот овојпат го изведе самата Рошин. Крајно феноменално.

Сите луѓе во бендот беа исто така на ниво. Особено, да ја „истрпат“ Рошин додека ги бакнува, гушка, тепа... додека свират.

Концертот траеше околу 100 минути. Рошин и обрати внимание на промоција на новиот албум. Со само неколку песни од Руби Блу, и само една од Молоко. Нешто што е пракса за странските изведувачи, а пак нешто што нашите никако да го совладаат. Освен Фолтин, јас не знам некој изведувач што лесно ќе се прости од своите претходни изданија, и концертно ќе ги промовира новите. Напротив, од новите идат 2-3 песни, и после - врати се на стара слава.

Имав одлично мислење за Рошин и до сега. Сега веќе сум уверен дека не грешам.

Некој треба да си оди

2008-06-09T14:02:00.000+01:00

Смртопилница

Виа Вуна

Вести

2008-06-06T08:09:00.004+01:00

Од земјата

- Завршија најбедните избори. Не гласав.

Хроника

- Опасен вирус на Блаце. Штета што го немаме Џек Бауер да среди...

Од светот

- Нига мадафака фор пресидент. Пак штета што го немаме Џек Бауер...

Економија

- 4ти реформатори во светот. Ама нас не ни треба реформ, туку формат ц:

Забава

- Кога јас би бил музичар, би правел музика како онаа на Cake

Спорт

- Почнува. Нба финале. Еуро 2008. Струмица за Шампион. Беласица за прва лига. Македонија за Европско. Македонија во финале во Малага...

Време

Едноставно. Времето е ЛИПАстично

Шампиони + Бедни правила

2008-06-04T10:38:00.000+01:00

Вчера во „Јасмин“ кавадарци делумно се случуваше НБА. Во оној дел од НБА кога еден тим се враќа од -20 на 10 минути до крај, и победува скоро убедливо.
Се играше 6-тата (фактички 5-та) средба помеѓу Фени и Струмица во финалната серија на МакКошарка Првенстовото. Фени имаше предност од 3-2 и со победа ќе беше прогласен за шампион. Скоро и да беше така, на крај на трета четвртина имаше +19 и нокаутиран противник. Изгледа прерано почнаа да слават. Па им се случи „Струмица“. Од две страни, како минатогодишен шампион кој не може да се отпише прерано, но и Струмица која на идентичен (ако не и поболен) начин го загуби купот годинава.
Синоќа градот Струмица славел. Ги пречекал кошаркарите околу полноќ и се е спремно за одбрана на трофејот за 3 дена.

Туку мене нешто друго ме мачи.

Кој е тој талент кој ги пишувал правилата за одигрување на македонското кошаркарско првенство. Никако не можам да го сфатам системот. Која беда од организација.
За тие што не знаат ќе објаснам: Во регуларниот дел се играат по два круга дома-гости секој-со-секого. Што е океј. Ама од тука натаму настанува „крпен-живот“. Почнува плеј-офот. „Полуфинале“ играат 3тиот со 6тиот и 4риот со 5тиот. Додека лидерите паузираат?! Победникот од 3/6 игра со првиот, а 4/5 со вториот. Победниците одат во финале.
Вакво искршено полуфинале немам сретнато на друго место.
Другото, што е уште по контраверзно е што огромна улога игра меѓусебниот дуел на противниците од регуларниот дел на сезоната. Секој тим што има позитивен исход со противникот (било 3-1 било 4-0) ќе стартува со +1 во плејофот. Значи доколку си прв, имаш само 5 порази од 28 натпревари, а 3 од тие пет ти се со екипата која завршила на 4-то место, ти пак ќе имаш негатива во плејофот.
Некој ќе го оправда и тоа... Ама според мене најспектакуларното е сосема обраниот распоред на натпреварите во случај кога едниот од тимовите води со 1-0.
Фени ја победи Струмица во регуларен дел 3-1. И стартуваше со 1-0 во финалето. А повторно го стартуваше финалето на домашен терен!?
Што зборувам: Правило е секаде во светот лидерот да има предност на домашен терен, односно евентуалната „мајсторка“ да ја игра дома. Тоа значи натпреварите 1,3,5 и 7 да ги игра дома, а 2,4 и 6 на гости. Арно ама кај нас Фени водеше 1-0 и стартуваше дома. Практично победата им беше како да ја освоиле на гостински терен. И од еднаш од лидер, се доведува до ситуација мајсторката да ја игра во Струмица.

Едноставно нели, болни и контроверзни правила!!!

Си велам, нека земат нека ги препишат правилата од лиги кои функционираат - и готова работа, нема потреба од експерименти, затоа што пред нас некој веќе ги направил.

Арно ама и во тоа не не бивало. Еден пријател ми го прераскажа случајот со некој Законот за телекомуникации/електроники. Тој закон бил препишан од некоја поразвиена земја, ама препишан топтан, заедно со политиката за вселенски летала.

Свашта.

Respek

2008-05-16T12:36:00.002+01:00

Почуствував потреба да ги наведам најнештата во музичкиот свет. Барем мојот.

Pink Floyd
Radiohead
Nirvana (иако мора да признаам дека ги немам скршено од слушање)
Alanis Morissette
Jamiroquai

Coldplay - Advance

2008-05-12T10:06:00.002+01:00

Иако Coldplay ферски (следејќи го трендот) го дадоа првиот сингл, Violet Hill, за слободен download, сепак ние „пиратите“ бараме уште.
Овде имате уште 3-4 песни од новиот регуларен албум на бендот, Viva La Vida. Многу ми е пресен за да дадам било какви „тумачења“ на овие песни кои ги слушам, но сигурно тврдам дека продукцијата е страва.Земете го побрзо, затоа што познавајќи го рапидшер, назабрзо ќе следува пораката: Complaints received!

Perfect Ten!

2008-05-11T17:23:00.008+01:00

Сите честитки: во коментари, на е-пошта, по месинџер, на скајп, на мобилен, лично, со летки, со огномети... се добродојдени, ве очекувам!!!
10-та титула од 16 првенства. еве и зошто:

Домашна надмоќ: 17 победи дома од 19 натпревари.
Сила до крај: Убиствени последни 15 минути на сите натпревари.
Роналдо: На крајот сепак има фантастична сезона која никој не може да му ја оспори.
Одбрана: 20 натпревари без примен гол.
Големи натпревари: Од 18 можни поени во дуелите со „големата четворка“, јунајтед освои 13.
Новите момци: Anderson, Nani, Owen Hargreaves и Carlos Tevez.
Длабока клупа: Се сеќавате на фантастичниот Ben Foster, против Derby.
Искуство: Ferdinand, van der Sar, Scholes и Giggs.
Враќање: После секој пораз следуваше победа.
Напад: Фантастична гол-разлика.

For Sale!

2008-04-18T14:46:00.002+01:00

Колку чини еден Твитер акаунт, и тоа комплет со неговите следбеници?
Ендрју Барон си го пријавил својот акаунт на продажба, со вкупно 1,500 следбеници (не знам како да го преведам followers).
Некој ќе каже дека е исто како да си го продадеш телефонскиот број, ама сепак некако цела оваа работа со Твитер не ми се допаѓа...

Suze!

2008-04-17T09:33:00.003+01:00

Музиката секогаш била линкот помеѓу страните разделени од „виша сила“.
Ви ја пренесувам соработката „Сузе“ на Марчело и Едо Маајка.

Двајцата исклучително ги почитувам, особено Марчело. Па мило ми е ова што го слушам. Искрено музички песната не е на нивото кое го имаат овие двајца, но приказната е таа што ми се допанда. Би можело и ние во ова предизборие да научиме некои работи од текстот.

Ревизија на папката Музика

2008-04-14T09:23:00.002+01:00

истовремено он-лајн бележење на моите музички фаворити во периодов со затскирена препорака до сите добронамерници.

KT-Tunstall - Drastic Fantastic
Добар е цел албум, ама Hold on е најсупер песна.

Hot Hot Heat - Happiness Ltd
Фаворит - Conversation

Kanye West - Graduation
Се спукаа со фифти сент пред издавањето на албумите чиј ќе биде подобар, ама мислам дека иако AYO Technology на фифти (каде рака на срце прсти имаше вмешано гуруто Тимбаленд) беше страшен хит, албумот на Вест носи многу повеќе добра музика. И што мене ми беше најинтересно е пребавниот хип-хоп кој го прави на овој албум. Хипхоп балади. Башка гостин му е и Крис Мартин (од Колдплеј) во одличната Homecoming. Не е само за хипхопери.

She wants Revenge - This is forever
Се сплеткаа и тие со Timbalend како би избиле во меинстримот. Добри се.

Swayzak - Some other countries (последниот нивни албум) и Dirty Dancing
Добра денс музика.

Mattafix - Rhythm & Himns
Албумот го донесе мега хитот You shall rise.

Scouting for girls - истоимен албум
За нив еднаш пишував, презабавни се.

Roisin Murphy - Overpowered
екс-Молоко пеачката. супер албум. дури и подобар од претходниот (донекаде)

Тhe Kooks - Konk
Главен фаворит во моментов. Мислам дека за нив ќе се прави муабет во наредниот периот како што сега се прави за Ејми Вајнхаус. Не во негативната конотација!

Оne Republic - Dreaming out loud
И овие се од тие плеткашите со Тимбаленд. Прочитав за нив дека се нешто како американски пандан на Арктик Манкис. Демек имале растур посети на мајспејс. Сите ги сакале, ама никако да се пробијат. Влегол Тимба во приказната со ремикс на Аpologize, и им тргна на дечките. Во секој случај, иако звучат англиски (Radiohead, Muse) се американци, кои сами си го имаат компонирано и продуцирано албумот. И добар е.

R.E.M. - Accelerate
Овие се стварно легенди. Проживеја си тај човек (што би рекол Џамбазов). Си имаат рем-правец. Си го тераат, и стварно супер им оди.

и за крај:

Lenny Kravitz - It's time for a love revolution
исто како р.е.м. и овој човек си има правец. дури и самиот е правец. композитор, текстописец, мултиинструменталист, аранжер, продуцент, изведувач. се во едно. секоја чест. стварно една од ретките фаци за кои би се испотепал да одам на концерт. се надевам авалон нема да ја иступат најавата за Илинден.

п.с. стварно ме мрзи и немам време да линкувам ништо во овој пост. а богами и слики да ставам.

Ривајвл

2008-04-04T23:56:00.005+01:00

Јас сум од таа генерација што го немаше гугл при рака, го немаше MTV на мобилен, го немаше www.што_ти_душа_сака.com како солуција на било која тинејџерска мака. Јас сум од таа генерација што за било кое списание кое не беше од мак-ју просторите требаше да се запишуваш во трафиката - (како еден вид претплата) за да ти го донесат. BRAVO, on my mind.
Токму сликата погоре, ја имав како постер залепен на наткасната каде што ми стоеја книгите/школксиот прибор. Постерот си го чував ептен. Кога менував наткасна, ормар, работен стол и сл, си го префрлав и постерот, внимавајќи како го вадам селотејпот, да не се оштетат аглите. Еднаш сменив 10-тина постери од по 2 страни за еден нивни постер од 8. Тоа беше настан... А некој нивни спот да начекаш на тв беше спектакл. Тоа се прераскажуваше... Малку попосле излегоа кабелските телевизии.
Ист17 функционираа горе доле во исто време со Take That и бевме поделени, кој кого повеќе слуша. Машките, се разбира, бевме за овие момци, а женските беа за другите. Откако завршив 8, некако, заврши и кариерата на Ист17, а и јас веќе влегував во други „филмови“, па со тек на време целосно ги баталив. Плус тоа, нив ги слушав на касета, а веќе излегуваа цд-ата.
Доколку пред неколку дена ме прашаше некој за East 17, ќе кажев дека се сеќавам на имињата, Брајан, Тони, Џон и веројатно немаше да ми текне на Тери, и ќе кажев дека се сеќавам на 3-4 песни.
Арно ама не било така. Случајно, не знам од каде, еден од сајтовите кои ги следам, а објавуваат рапидшер линкови до албуми, го објавија Around the world (Hit singles) The journey so far. Не можев да одолеам, никогаш сум немал ништо дигитално од нив, и веднаш го „смк’нав“ албумот. Се сеќавам на сите песни, многу, и без проблем ги потпевнувам, и што ми е најчудно - иако очекував да се жива катастрофа за денешно време (плус и сите мои персонални модификации на музичкиот вкус), сепак ми оставија одличен впечаток, и што е најважно ме направија многу мал. Дете.

14 книги

2008-03-29T12:31:00.004+01:00

Вчера се одржа промоцијата на 14 блогерски книги. Бев на промоцијата, и таа го потврди тоа што си го мислев и претходно: Дека нема никаква потреба од издавање на книги направени од претходни постови на блог.
Ќе пробам да го потврдам мојот став.
Значи „14 од најпопуларните блогери“ кој пишуваат на блогерај своите постови ги ставија во печатена форма. Причината била да и тие што не ги читаат блоговите да ги прочитаат нивните ставови, раскази, патеписи и сл. Зошто? Зошто ако не ги читаат тука, би ги прочитале таму? Како и би знаеле тие кога ќе влезат во книжара дека овие се книгите на блогерите? Добро, можеби првиве неколку месеци ќе стои некој промотивен знак околу нив, ама мислам дека вкупната нивна читаност нема да се зголеми ни 2%.
Целата промоција беше повеќе во знак на блогерај, а не на авторите. Впрочем авторите не ги ни видовме?!? Во блогосферата никот е доволен податок за некој блогер, но во писателството и издаваштвото не е баш така. Па сега, од каде да знам јас дека всушност не се 14 блогери туку дека се 7 кои си имаат по 2 блога со различен ник, или пак дека се двајца со по 7 блога...
Кога авторот нема да излезе и да каже 2-3 збора со кои ќе те убеди да ја купиш неговата книга, зошто би ја купил? Подобро ќе беше да издадеа 2-3 книги „Најдоброто од блогерај“, па тогаш Трендо да можеше да се дуе како „ја добиваме битката...“
Или пак, да пробаа со „нарачана“ книга (го спомна тоа Дарко на промоцијата како тип на блог издаваштво) од најпопуларните блогери. Тогаш сигурно и поголем дел од блогерите и редовните читатели на блогерите ќе беа во конкуренција да ја купат таа книга, затоа што не постои како постови.
И за крај, блогосферата е интересна и поради коментарите. Тие се исто толку битен дел колку и самиот пост. Некогаш се случува пост од само еден ред, да предизвика неколку стотици коментари... И што сега ако го видиш тој пост во книга!?

Ако ми текне уште нешто, ќе го ставам во коментари :)

Најди - па Зграпчи

2008-03-25T12:54:00.003+01:00

Погледни ја сликата, и најди го „Зграпчи го денот“.
Веќе не е лесно...
Вест би требало да размислат, мислам дека може слободно да ја укинат таа рубрика, во ваква конкуренција...

Една година блогспот блогер

2008-03-20T11:39:00.003+01:00

точно една година сум здомен овде. конечно станав блогер. имав обиди уште многу одамна. во два наврати во 2005 и 2006 пробав, ама некако не ми успеа. после тоа се приклучив на блогерај, ама ту мени конекшнс и слично пак ме премислија...
овде ептен ми се погоди.
не сум некој хиперпостер, 68 поста (или на секои 5,3 дена), ама скоро секогаш кога сакам нешто да кажам знам каде да го направам тоа.
во офлајн светот претходните 12 месеци: три пати излегував од границите на Р.Македонија, сменив град на живеење, сменив работа, сменив стан во новиот град...
во онлајн светот исто така ми беше убаво: кајмакот, GoodBytes, Комуникации, МКБлог Конференција, МАКНба, Iacovibus, Канализација, Моето маало, Развигор, Ицко, ВББ, Вуна, и уште многу други...
тераме натаму...

Ммм Тамара...

2008-03-11T01:17:00.004+01:00

Македонската музичка мрежа МММ од пред некое време има редизајниран сајт. Порталски ептен некст-сенски е сајтот, и мислам дека врши работа. Конечно имаат и рсс фид. Но она што ми „падна во очи“ е симпатичната грешка која им се има спровнато на „билбордот“ каде вртат слики на нашиве пеачи. Видете ја Тамара - Така им се погодило... :)

Жива вистина

2008-03-09T00:42:00.001+01:00

Use customer satisfaction surveys and focus groups to find out both what satisfies and what disappoints your customers.
If you aren’t getting any complaints, you aren’t asking the right questions or the right people.

Customer Relationship Management
Kristin Anderson Carol Kerr (2002)

Лит Мара

2008-03-07T23:54:00.003+01:00

Муабетов го пренесувам од еден пријател, неблогер, затоа што чувствувам потреба да го споделам. Благодарам И.5

„Денеска низ сите медиуми е пренесена информацијата дека Буба-Ранко-Мара ќе издаде албум со патриотски македонски песни. Поради тоа што доста време поминав денеска по патишта во автомобил, му посветив околу 45 минути и на ова радио. И за сите тие 45 минути не пуштија ниту една било каква македонска песна. Исклучиво српско. Ама важно, албум ќе извадат. Срамота.“

Коментар повеќе мислам дека не е потребен.

Буда

2008-03-07T01:14:00.004+01:00

.аНТИ во последниот пост шири интересна теза за случувањата во Македонија последниве недела-две, во која јас би додал и уште еден, слободно може да се каже, парадокс.
имено, пред неполн месец Владата го означи почетокот на Годината на македонскиот јазик, година во која се планирани многу активности кои би требало да ја подигнат свеста за зачувувањето и одржувањето на македонскиот јазик.
арно ама, деновиве започнува нова „кампања“ за Одбележување на меѓународниот ден на франкофонијата. кое лицемерие. на кучето држ, на зајакот бегај.
а овие франкофонците пак се на правиот пат да ги надмината Пета во својата досадност.
----------
дополнување: Франција е земја која што единствено и се придружи на Грција на бедните средби во Брисел. Франција е земја која што е во состојба дури и Грција да не признае како Р.Македонија таа да се инаети. Меѓутоа нашата Влада сепак ги поддржува франкофонците :(
Благодарност на Деко за конструктивната забелешка.

Република МРЧАДОНИЈА

2008-02-29T22:53:00.003+01:00

последниве неколку месеци, можеби и години, пробувам некои значајни настани да ги набљудувам од страна, колку што може пообјективно. и потоа исто така од страна, да ги следам коментарите на моето потесно, пошироко и општонародно окружување. и забележувам дека сме тотални НЕГАТОРИ. ако може тој збор да го објасни она што сакам да го кажам.
не постои нешто, било што, било како што нема да повлече серија негативни коменари. жаргонски и блогерски кажано - мрчење. и најспектакуларно е што огромен процент од луѓето „мрчат“ на сите теми.
беше евровизија минатата недела. сите измрчија. кој кај стигна таму измрчи. па побогу луѓе расправате дека секоја година е грозна и дека ептен сме за никаде, а пак одвај чекате да дојде таа евровизија. изгледа ја чекате за да ја измрчите. па да ја прекрстиме во МРЧОВИЗИЈА.
јас лично си стојам на ставот дека споредено со сите балкански земји имаме најдобра поп рок музика. а богами и алтернативна. секоја чест на исклучоците од другите земји, ама од сите аспекти нашата музика е поквалитетна. и многу ми е мило што нашата продукција не го прифаќа шундот кој владее во околните земји. (посебен пост на оваа тебе би следувал наскоро)
тоа што ние на евровизија поминуваме така како што поминуваме е одраз пред се на ваквото мрчење кое го покрива овој настан. ама се си викам, ќе помине и годинава, ќе поминат уште 2-3 години кога сите „заслужни“ ѕвезди од поп-сцената ќе поминат на евровизија (ламбе, калиопи, дани...) и ќе се затвори воинствениот круг околу оваа манифестација, па после ќе може на тенане да си праќаме различни ламперии, трачери, чувари... и да си фаќаме сеир на цела таа пластична сцена.
она што највеќе ми пречеше деновиве беа коментарите од типот: „абе не ја гледав евровизија, така фатив само 2-3 песни и фатив нешто од гласањето, ама беше тешка мизерија...“ и после тоа следува подолг коментар во кој се третираат сите организациско технички пропусти кои се провлекуваа цела манифестација. што значи, не може да си гледал само 2-3 песни, а да си свесен за сите настани од целата програма која траеше преку 3 часа.
понатаму, „прекрасни“ беа колегите блогери кои веднаш позавршувањето на изборот се втурнаа во постирање и коментирање на настанот. „абе ја тоа не го гледам, глупости е бе, онака...“ и пастирање на вакви слични коментари на секој можен пост кој асоцира на евровизија...
зошто? толку ли е ин таа евровизија. кул ли е да ја мразиш. кул ли е да ја омаловажуваш? едноставно, немаш причина за такво нешто. кулирај стварно. излези некаде и заборави за таа..

после тоа дојде протестот. мрчење повторно. те зошто, те како, те каде, те кои. аман бре луѓе протест. или излегуваш или не излегуваш. или го поддржуваш или си против. имаш став по тоа прашање - изнеси го.
ама зошто такви празни муабети. „абе што ако се собра толку народ, се е решено“. „ајде бе се собрале дрогираши таму“. „вмро и есдеес“ „бранко и киро“ „сака изгледа миленко партија да прави“... и така до без крај...

и веднаш се присетив на еден виц.
во пеколот имало казани за секоја нација. и над секој казан имало по еден луцифер со вила. само над македонскиот казан не стоел никој.
некој прашал: „зошто стои по еден луцифер над секој казан, а само над македонскиот не стои?“
му одговориле, епа ако случајно некој проба да излезе од котелот да го бодне озгора и да го врати во оганот, а ако некој проба да излезе од македонскиот, тогаш - неговите од внатре ќе го потегнат да падне...

No Comment

2008-02-26T14:02:00.001+01:00

Kнишко моја прејди на друг

2008-02-25T14:30:00.003+01:00

Малите деца често знаат да направат недозволени работи. Што поради забава, што поради предизвик, што поради незнаење. После секоја таква постапка следи воспитна мерка од родителите.
Следното повторување на таа постапка носи и поригорозни казни. Но затоа и проработува „болјерот“ кај детето па смислува генијална приказна која ја оправдува неговата постапка. Ама таа приказна е толку детска и наивна што родителите едноставно ги шармира, и целосно ја почитуваат. А детето пак, мисли дека му веруваат.
Е, таква детска играчка ми се чини дека е омилена на секој Македонец. Особено на оние жалните кои заглавиле во политички води.
Веста дека 1000 нсдп-овци ќе станат вмро-вци безусловно го потврдува тоа. Ептен ќе беше забранета детската игра сдсм-овци да преминат во вмро (минатата година), па затоа си направија приказна т.н. нсдп, за да преку таа си овозможат сосем неприметен трансфер.
Просто да се чудиш... Па уште и си веруваат во некои партиски идеали. Грозно.

Колку да се знае

2008-02-16T20:19:00.002+01:00

Дигитални сообраќајци

2008-02-13T14:28:00.002+01:00

Нели деновиве се прави муабет за дигиалните апарати на сообраќајната полиција, и за новите казни кои следуваат по прекршување на сообраќајните правила. Сосем океј е идејата. Сообраќајот ни е дефинитивно хаос. Ѕверски хаос би рекол. За што сите допринесуваме. А ретко кој одговара за своите грешки.
Мене своевремено ме застанаа поради преминување на улица надвор од пешачки премин. Казната, дежурниот сообраќаец, ми овозможи да ја компензирам со општо корисна активност - конкретно посетив еден час по сообраќај. Во полициска станица Пролет. После тоа многу ретко преминував на непешачки, и жестоко се противев кога возачите не ме препуштаа на пешачки.
Минатата недела така жестоко ќе сум настрадал на пешачки што, освен мене, сите присутни на улицата останаа со подотворени усти - откако ги проследија моите Матрикс движења со кои го избегнав Голфот кој на Партизанска пред пешачкиот со полна гас се престрои од една во друга лента. Шоферот што возеше пред него подзастана да ме пропушти, и тргнав кон втората лента и тогаш овој излезе на средна лента со многу км/ч и јас го изведов мојот скок со пируета за да се спасам.
После овој случај и додека е актуелно ова со апаративе, имам предлог. Не мора сообраќајна полиција да слика. Можеме и ние, со тоа што од пропишаната казна од 300 евра за непропуштање пешак - 50 да се за нас (т.е. репортерите-сообраќајци). Сите имаме камери на мобилните, многу имаме и дигиталци, мислам дека лесно ќе се наполни буџетот, а и стандардот на граѓаните ќе рипне.
Ова важи и за возачите - нека не сликаат нас пешаците кога претрчуваме на сред пат...

Респект на денот

2008-02-11T23:49:00.000+01:00

1. Греми Вајнхаус.
2. Бизнис новости
3. новиот сајт на Македонската берза
4. Stronger, на греми

Sinalco Спонзорот

2008-02-08T23:25:00.000+01:00

денеска на амбалажата на Синалко видов дека уствари имаат сајт.
се сеќаваме дека после несреќата во која загина Тоше, веднаш ја сменија амбалажата која илустрираше портрет со неговиот лик. што беше, во најмала рака фер.
арно ама на сајтот не е чепнат сеуште. што пак воопшто не е фер.
уверете се:

Изгубени во транзицијата

2008-02-05T14:41:00.000+01:00

Чуден менталитет е македонскиот народ!

Денес имав една обврска и за да си ја исполнам обврската требаше да стигнам на улица Димитрија Чуповски бр.ХХ. Пошто не знаев каде точно се наоѓа, го отворив скопје.он.нет.мк и според сликата ми стана јасно каде да ја барам. Тоа би му дошло некаде на Рекорд, а каде точно – си реков ќе видам на лице место. Стигнав некаде кај Вегера и на една зграда видов табла со некоја друга улица па се прошетав наоколу за да ја најдам вистинската улицата.

Не успеав да видам табла со улицата што ја барам, па си викам дај ќе ги прашам таксистиве карши МекДоналдс. Прашав еден таксист што стоеше до неговата кола (од компанија Yellow), се мислеше, се мислеше, па влезе во колата и извади една листа со сите улици, побара низ неа и на крај ми вика дека улицата шо ја барам јас ја нема во листата и после тоа очигледно задоволен оти не ми ја кажал улицата почна да го турка возилото за да и се придружи на колоната таксисти. Пошто знаев дека улицата што ја барам е тука некаде знаев и дека ме лаже.

Си викам у паметот нека се носи у пм и онака нема попаметна работа во животот, па ќе гледа да ме зафркне мене. Да влезев у колата ќе ме однесеше точно кај што сакам јас,без разлика дали улицата се наоѓа во Хром, Радишани или Бутел, ама сега кога треба мене да ми заврши услуга бесплатно ќе ми изиграва фраер.

Се наежив кога сфатив со колкав идиот сум си нашол работа. Здраво и ај здраво! Пошто имаше многу таксисти, а мене работава ми беше многу итна, си викам дај ќе прашам уште некој. Пак истото сценарио, само овој пат глумецот беше бетер. Ме гледа се туфка, се врти наоколу и на крај ми вика “Не ми текнува, стварно не можам да се сетам каде беше таа улица”, и нормално по оваа реченица следеше благо потсмифкање.

Видов не видов, си продолжив сам, се сретнав случајно со еден пријател, ми покажа каде треба да одам и си завршив работа.

Трагично во сето ова е што и двајцата таксисти не беа некој млади заебанти шо сакаа да си поиграат со мене (тоа некако и би го сфатил), туку беа возрасни ама недораснати магариња, веројатно и фамилијарни луѓе.

Добродушноста за која велат постарите дека „на големо“ цутеше од македонците, изгледа се загуби во транзицијата. Само што јас лично не ја запознав.

No.1

2008-02-03T03:19:00.000+01:00

Постојано сум во потрага по нови и свежи музички изданија. Често симнувам артисти за кои ништо претходно немам слушнато. И не ретко ми се погодува тоа да се албумите кои ќе ми го полнат плеерот долго, долго време. Такви беа своевремено Колдплеј, Ејжн Даб Фаундејшн, Ексик (нашите), Ејми Вајнхаус, Џон Леџенд...
Сега тоа се Скаутинг фор грлс (Scouting for girls). И албумот се вика така. Јас прво симнав сингл од нив. Elvis ain't dead. Со б-страна - You were fitter on your my space picture. Ако се земе насловот на б-траката и рефренот на првата - Elvis ain't dead, I heard it on the radio, ми беше јасно дека бендот е интересен. Го симнав цел албум веднага.
Албумот е супер. Заразен поп-рок ритам. Интересен вокал и супер забавни рефрени. Ама искрено не го очекував и ова: Албумот е 2-3 недели прво место во Британија...
Ме бива за проценки... :)
Албумот е овде, искрено го препорачувам. Додека не почнал да се пушта кај нас, немој после да викате дека не сум ви кажал порано...
Пасвордот на .рар-от е www.livedown.org
а бек ап линкови имате тука и тука (истата шифра важи).

Invest in Macedonia

2008-02-01T10:57:00.000+01:00

Веб страната која ја поддржува кампањата Инвестирајте во Македонија за разлика од другите владини сајтови изгледа прилично стегнато, освен што се има спровнато по некоја грешка:

Лустрација и Мистери Шопинг

2008-01-30T11:37:00.000+01:00

Дали Законот за лустрација има предвидено членови кои се однесуваат на модерниот кодошлук, затскриен зад англицизмот Мистери Шопинг?
Колку да се знае...

Сега дури ќе ни тргне

2008-01-04T12:28:00.000+01:00

Македонските ракометари ги почнуваат квалификациите без Кире Лазаров. По тоа што го изигра со Словенија, не ни е ни потребен. А особено што сам си се фали дека е ептен јак и дека ние не го сакаме... Епа чим така - паметна одлука. Седи си мирен и остави ги децата да вистински да играат.
А сега да се оправдуваш како тогаш си бил повреден, не е доволно. Не беше повреден, беше очаен. После првата ужасна средба си викав - ОДИ СИ ОДИ СИ. Тогаш „као“ стегна заби и кажа дека послаба средба не си имал во животот, и дека втората ќе биде супер. Ти поверував, арно ама не беше така. Иста свирка беше. Само ги кочеше другите деца да не шутираат затоа што беа засенети од суперѕвездата.
Одмарај сега. Само немој како Недвед и ти, ако се пласираат дечките да кажеш епа сега сакам да играм...

Јонуз ли бе!?!?

2007-12-23T13:57:00.000+01:00

редакцијата на Македонски Спорт задолжена за случувањата од македонскиот фудбал е благо речено ретардирана...

You shall rise

2007-12-19T13:36:00.000+01:00

Понекогаш се изненадувам кога вистински песни стануваат хитови:

Ukubu izi ingane zabo zodlala zibuzuswa

Ingane ezindane zabo zodlala zibuziswa

You may never know, If you lay low, lay low

You shall rise

Спотот е режиран од Мик Џегер, а во него се појавува и Мет Дејмон. Повеќе:

Таксират 9

2007-12-09T23:31:00.000+01:00

пред да прочитам било што за фестивалот, да си го кажам своето.

прво за општи организациски импресии:
Литиум се традиционални „швајцарци“. тоа го почитувам кај нив тотално. уште од времето на 3-4-тиот таксират, па и ус пат со сите други нивни настани, импровизации околу термините нема.
„боновите“ за пијачки се исто така традиционални, и овозможуваат релаксирано посетување на шанкот.
влезот во халата е исто така релаксиран, а одлично е поделен и преминот од хала1 кон хала 2 (кое своевремено беше ужасно тесно грло). па сега на раат се движиш од рокот кон техното (традиционална поделба на сцените).
тоифор тоалетите се исто така одлична работа за ваков настан.
мобилна екипа за прва помош плус амбуланта (за секој случај) истотака се плус на страната на литиум.
осветлување и озвучување на ниво.
организациска забелешка е што немаше на сцената, а ни околу неа знамиња или постери со ТАКСИРАТ, веќе кога имаше од сите спонзори...

второ за музички импресии:
Холокауст имаат фронтмен кој личи на брат на Зоран Божиновски кој е прилично несмасен на сцена, па ни симулираше кршење на ѕид со глава, ни покажуваше дигање тегови и останати дестуктивно билдерски „финти“. метал музиката не ми е толку блиска, ама ми се чини дека металот е пред се тинејџерски хир, за оние пооткачените. во секој случај кој не ги гледал, не испуштил многу.
по нив на Меин Стејџ, ги гледавме Дени те чува (Dennytechuva). дечките мене најпозитивно ме изненадија. од нив имав слушано само песни од акустичниот материјал, ама во живо се прекрасни. ме изненади и тоа што имаат бројна публика, која им ги знае сите песни. а имаат супер музика, имаат толку заразни рефрени што и плејада поп изведувачи кај нас може да ги сонуваат. супер е и што се толку едноставни. ќе читате веројатно и на друго место, а и заслужува внимание, изведбата на НАВИВАЧКАТА песна. вистински вриеж. кулминација.
хладно пиво беа после нив. исто така имаат верна публика. јас не сум во тој круг. еднаш, претходно на таксират, ме отекоа, па и немав некое посебно очекување од нив. за среќа не бев во право. барем 3/4 од настапот им беше супер! имаа добра свирка, добро звучеа, и ја држеа и неутралната публика во размрдано расположение. арно ама после некое време почнаа да тупат. им забега малку и музиката, и пеењето беше така-така... па редно беше да се префрлиме на „техното“.
точно тогаш започнаа Дубиоза Колектив. едни босански нинџи. 2 машки вокали, 1 женска и уште сурија музичари. кај нив па обратно беше расположенито. почнаа лошо. прегласно, машките урлаа, женската како да ја немаше, и општо целата музика звучеше ненаштимано. можно е и типците од миксетата да ги немаа потребните сетинзи направено, па како да грчеше цел настап. а и салата беше полупразна. ама како се префрлаше народот од 1 кон 2, така напреднуваше и настапот на дечките. се развеселија и тие, а не развеселија и нас. а и девојчето веќе се слушаше повеќе. побаравме и добивме бис, а тие посакаа пак да дојдат. ептен фина публика сме...
додека да се наштимаат ПМГ тркнав до Лајбах. како и што очекував. арт-дарк-пост и што ти ја знам каков префикс на нивната музика. не е за мене. едноставно нели, се вратив во 2ката.
ПМГ се добро нешто за македнската култура, воопшто. ама иако се 15 години на сцена, оваа live формација како да нема доволно искуство. па наместо да ја искористат веќе загреаната публика како основа за фуриозен настап, тие ја иссецкаа. по методот тргни застани. убаво за нив што работат и на нов материјал, ама секоја музика, па и нивната, подобро се прима ако веќе ти е блиска. па затоа нивниот настап беше поделен на стари хитови и добра атмосфера, и нови песни и публика која чека стари хитови. мирко попов како традиционален оратор ги користеше паузите меѓу песните да „објасни некои ствари“, што го прави со половичен успех... сигурен сум дека доколку направеа траклист со хит-па 2-3 нови-па уште 4-5 хита, многу ќе беше подобра атмосферата.
е после тоа мирко се извади, барем од она што јас го фатив како диџеј сет. се гледа дека во таа област нема импровизации. нема што. си ја разбира таа работа.
после ПМГ и дел од мирко попов, отидовме на Базкокс. ова ти е некоја врста на паб (читај кафански) состав. искрено кој знае дали и колку овие момци некогаш биле популарни. а иако биле, а уште се активни, би можеле малку да еволуираат. слично (дури полошо) од стренглерс пред 4-5 таксирати.
се вративме на лицето М.П. за него важи истото од пред неколку реда...
уморот веќе драстично ја превземаше контролата над нас. се чувствуваше низ цела хала. па затоа и на Дарко Рундек првото прашање му беше: Многу е доцна, како не сте уморни? околу Дарко Рундек може исто така да се спори со Литиумци, дали беше на место одлуката тој да остане на крај... јас имам позитивни импресии од тоа што го видов од нив. иако не ги догледав до крај.
Тика. хмм. за него нема ништо да коментирам. затоа што одвај послушав 5 мин од него. уморот веќе беше предоминантен...

трето, за таксират како феномен.
пред да одам ме прашаа со кој ќе одам? јас одговорив дека со кој и да одам, таму се сите! и во право бев. има луѓе кои ми се чини ги гледам само на таксират. ама секогаш ги гледам, и само таму. од ултимативни панкери, хардкор металци, техно фрикови, естрадни ѕвезди, блогери, осмооделенци, средношколци, студенти, професори, пензионери. сите се таму. озбилно. а па за 300 денари влез и 50 денари пиво, и срамно е да не се таму...

Direct Sales & Multi Level Marketing SUCKS!!!

2007-12-08T02:06:00.000+01:00

времето е пари, своевремено изјавил Бенџамин Френклин. ако е во право господинот, тогаш имам аргумент плус за ова што сакам да го пренесам.

имено, веќе подолго време од такт ме вади начинот на продажба на добра и услуги кои го пропагираат се поголем број претпријатија и институции во македонија. зборувам за т.н. дирекна продажба, или уште полошата варијанта - мулти левел маркетингот.
прво ќе ти дојдат во канцеларија од банките - ќе ти ломотат за бизнис кредитите, друг ден ќе ти ломотат за кредитите за вработените, трет ден за девизи, четврт за останати финансиски услуги...
после ќе ти дојдат од осигурителните компании, и тие може цела недела да ти ломотат.
па ќе ти дојдат СЕКАКВИ МАРКЕТАРИ, од едни други трети страници и книги, па портали, па телевизии, па радија. за да се рекламираш кај нив.
па ќе ти се изредат козметичари, оптичари, гардеробери и што ли уште не.
и дома кога ќе се вратиш ќе ти се тупосаат истите овие, плус истражувачи на пазарот.

ако си направиш после сето ова компаративна анализа, сигурно ќе излезе дека си толку во минус од изгубеното време, што било која понуда од нив да ја прифатиш нема да ти биде доволно атрактивна за да те извади од минусот.

еве да речеме дека банката Х ти дошла со понуда на баш тоа тебе што ти треба. кредит за возила - да речеме. и сега ако кај другите банки каматата за возила ти е 7, а овде ти е 6,8% ти си Заштедил ептен многу, затоа што и не си бил свесен за таа понуда на таа банка... тоа е одприлика тезата која ги мотивира понудувачите на овој начин на пласирање на своите добра и услуги. и затоа се полесно и полесно се одлучуваат на ваков чекор. ангажираат студенти или курсисти ги „обучуваат“ (читај учат на памет) за текстот на понудата, и ги пуштаат да шетаат по фирмите. за тоа добиваат или процент или фиксен надомест (ова повеќе се однесува на директната продажба, кај мулти левел маркетингот е поинаку). да се вратам назад, значи ти дошле со таква спектакуларна понуда, и ти си задоволен и тие се задоволни. биле кај тебе околу час и половина, претходно и по телефон уште пола час, за документи поптиси и такви ствари ќе ти дојдат уште 2-3 пати. ама нели се во интерес на работата. и од тогаш влегуваш во машинеријата, ќе ти се изредат сите горе што ги набројав, а ти очекувајќи нешто „спектакуларно“ ги примаш сите. и не наоѓаш ништо посебно. еднаш. двапати. сто пати. полошо е што ќе те убедат да земеш нешто и што не ти треба. колку време си изгуби по нив??? што заштеди???

а колку пати просечен македонски газда или бизнисмен побарал услуга од финансиско биро, од маркетинг агенција или од различни консултанти и советници?!

што ми е зборот: доколку кај претпријатие се јави било каква потреба, едноставно се јавува до такво специјализирано претпријатие и поднесува барање: испрати ми понуди за кредити за возила, од банки, лизинг, директно од трговците со возила... добиваш сурови податоци, добиваш анализа, споредба и на крајот и предлог: Врз основа на вашите потреби и барања ви предлагаме Возило ХЛ по кредитната линија на Банката НТ од застапникот БИ. кратко и јасно.
утре задутре, ми треба реклама во весник - повелете цени од сите агенции. ми треба софтверска апликација за ова и ова - добиваш понуда од десетици претпријатија. изборот е огромен, времето е на твоја страна, а тоа што ќе ги исплатиш советниците верувајте е далеку помалку во споредба со сите малтретирања со секакви агенти и маркетари - кога нив ќе им текне!

да, ама такви претпријатија кај нас се утопија.

едноставно нели, иако некој ќе каже дека ваквиот тренд е светска појава, сепак мене ужасно ми смета. си сакам сопствено право на избор. не сакам да дојдеш и да ми кажуваш како вие сте 100 пати подобри од другите. мојата перцепција е најзначајна во мојот куповен процес. а дури доколку те прашам зошто сте подобри, тогаш можеш да ми објасниш.

и за крај уште нешто. нели ви смета на сите кога ќе дојде некој да ви нуди нешто за кое со никаков сигнал му немаш дадено до знаење дека си заинтересиран. напротив, прв пат слушаш за такво нешто баш од него, и баш во тој момент?!?

судија педер

2007-12-05T22:37:00.000+01:00

насловот е традиционално навивање на нашите спортски терени, но денес конечно беше разоткриена мистеријата околу поводот на ваквите извици од трибините.
на натпреварот Струмица - Фени од Мак Баскет Лигата пренесуван од МТВ, коментаторот Марјан Ников, ни објасни:
Овие извици се насочени кон судиите!!!
додека Ајдуците повредени од серија одлуки на судиите ја користеа оваа едноставна генијалност на навивачкиот гнев.

Блогозавист

2007-11-30T11:01:00.000+01:00

74%

Македонија на СП10

2007-11-27T01:09:00.000+01:00

иако генерално не се сложувам со ставовите и тезите на Утрински, сепак овој пат спортската редакција ме изненади. текстов е вистински пример како треба да почнеме да се однесуваме во следниот период. нашето чувство за национална инфериорност никогаш никаде не не одведе. а успесите на база на туѓото потценување кон нас никогаш не се доволни за да се извлечеме од транзициската летаргија. откако сами ќе се испочитуваме така како што треба, и ја внесеме потребната енергија во се што работиме, друг ќе биде пристапот на другите кон нас..

Групи за Светското 2010

2007-11-23T15:34:00.000+01:00

Излезе распоредот на садовите по кој ќе бидат одредени квалификациските групи за СП10. Јас ќе предложам 2 варијанти + 2 зезалици:
Првата (оптимистичка) со можност за „нешто повеќе“:
Хрватска, Бугарија, Белгија, НИЕ, Азербејџан, Фарски Острови

и Втората (атрактивна) со можност за гледање сеир од страна:
Германија (Франција), Англија, Република Ирска, НИЕ, Словенија, Црна Гора

п.с. Балканска: Хрватска (или Грција), Бугарија, Србија, НИЕ (или Босна), Словенија (или Албанија), Црна Гора

п.с.1. Досадна: Грција, Израел, Финска, Белорусија, Грузија, Малта

Албум на Заем

2007-11-16T11:59:00.000+01:00

дали некој знае даунлоуд линк од Резонатор на ПМГ - Колектив-от?

How to lose your client in 10 minutes

2007-11-14T12:19:00.000+01:00

во саботата кога станав приметив дека претходната вечер додека гледав телевизија, во целосно лежечка позиција, сум си ги искривил очилата. не е прв пат така да гледам телевизија ама прв пат ми се случи да ми се искриват очилата. веројатно занесен, не сум приметил колкав притисок ставам на нив. (како појаснување на приказнава, петок вечер се вратив во мојот матичен дом во струмица, додека мое привремено пребивалиште ми е скопје).
си реков, можно е да ми е дислоциран центарот на стаклата па ги однесов во оптиката од каде што ги купив. ДИОПТРА. а ги купив во мај-јуни. културно замолив да ги проверат очилата, да ги исправат и да ги „центрираат“. добив одговор: од причина што очилата биле пластични, без долен рам и сл... биле малку специфични за работа, па ме замолија да навратам околу 16 часот (ова се случи во 10:30). (уште едно објаснување, кога ги земав очилата, си ги платив и чекав околу една недела да ги испратат во оптиката во скопје, затоа што таму биле експертите, таму да ми ги монтираат стаклата..)
некаде пред 16 дојдов во ДИОПТРА, ми ги дадоа очилата, НЕ МИ ПОБАРАА ПАРИ за извршената услуга, и си заминав. дома земав детално да ги проверам очилата, и само што ги извадив од „куќичката“ гледам стаклата дека се скршени. и тоа двете, на идентични места (по 2 ќошиња фалат на двете стакла). трчам назад до ДИОПТРА, затворено!!!
гад дем монголијанс...
кројам дома стратегија... недела исто така не работат, во понеделник сум на работа, во скопје. решив да ги носам очилата со мене во скопската филијала на ДИОПТРА, па да се разбереме овде. со тоа би скратил 2 дена во превоз на очилата од струмица во скопје.
вака и вака, очилава беа малку искривени, ги однесов, ми ги вратија повеќе искривени и со скршени стакла... ама дечко тоа е во струмица ние сме друго... што се друго кога иста фирма сте и исти газда... а и вие плус ми ги местевте стаклата.
зема момакот да се слуше со стумичаните. по 2-3 минути ми го носи телефонот и ми вика сакаат да те слушнат.
- молим
- што е проблемот?
- имам покриви очила отколку пред сервисот, плус имам скршени стакла...
- па ние ти рековме носи ги очилата во скопје ние ништо не може да им направиме
- кој ми го рекол тоа?
- ние
- а од каде знаете вие јас каде живеам што правам и каде се движам, за јас да ги однесам очилата во скопје... а плус и не ми рековте така, ми рековте очилата колку можевме ги исправивме, сега се супер..
- дечко, не тропај глупости...
е тука се изгубив, такво урлање во сред ГТЦ немам сретнато, па уште и јас го демонстрирав...
- какви глупости тропам ма, кога ми ги скршивте очилата и ми кажавте дека се супер!, не е ова сладолед да ми падне на земјата и да се помирам. очилата ми се ортопедско помагало.
следуваа 3-4 минути на расправање, од кои произлезе дека сепак тие пробале да ги поправат, меѓутоа небивало, ми ги трснале така, веројатно очекувајќи да се помирам.
ова се случуваше во понеделникот.
во вторник телефонски побарав да се видам со газдарицата. била на пат, само што стигнала, и да одам во дуќанот до 21 часот таму ќе била... од телефонскиот разговор разбрав дека во струмица нејзините родители (читај старци) биле сервисери, и тоа самоуки. не оптичари.
попладнето отидов, добив срдечен одговор дека газдарицата само што си отишла, малку да одмори, ша ќе одела на вечера!?!? ова се очилата, ние ги исправивме сега се супер.
- а стаклата?! не се сменети како што гледам?
- за стаклата кажа дека може да ви одобриме попуст, тие чинат 900, вам би ви ги дале за 700?!?
- what the fuck!!! секаде се стаклата 600!? а во кина (од каде што веројатно ги носат) се 6.
си ги земав скршените очила, сега си ги носам. додека не си купам нови, од друго место, а во меѓувреме кога ќе се вратам во струмица ќе си одберам нешто од дуќанот. ако јас не можам да докажам дека ми ги скршија очилата, не можат и тие да докажат што сум си одбрал од дуќанот!
и пак ќе кажам, кај нас има закони само за тие што ги почитуваат!!!
а поради тоа што диоптра тоа не го прават, за нив нема закони!!!
ааа да, и не ми наплатија за тоа што ми ги исправија очилата...
ако однесам јас чукната кола на сервис и ми ја испеглаат, дали и тие не би ми земале пари? или тоа ќе го направат само ако ми го скршат ветробранското стакло?!
целта на овој пост е барем половина од тие што ќе го прочитаат да не купат ништо од диоптра, и уште на една четвртина тоа да им го пренесат.
ако се случи тоа, јас ќе си ги сменам стаклата и по редовна цена :)

малограѓански андерграунд...

2007-11-08T23:06:00.000+01:00

деновиве беа исклучително активни во поглед на Гранде настани кои ги окупираа сите медиумски простори, за чие редовно следење беше потребно што побрзо совладување на т.н.F5 метода. тука беа Милчо, Извештајот, Пустинската бура, Анастасија... и чат-пат споредни Хач, Македонска Банка, Името...

и измеѓу сите нив и театарска премиера. и тоа во Битола.
„Премиерата на претставата „Ова не е американски филм“ на сцената на битолскиот народен театар ќе биде поставена во петок.“
и како типците да се пробијат низ оваа густа агенда на настани, освен да не изрежираат скандал. тоа и го направиле. одржале прес-конференција која всушност била сцена од самата претстава која многу ги повредила нашите новинари:
„Со авангардно изведена прес конференција во форма на театарска претстава битолските новинари денеска во народниот театар во Битола беа наречени манекенки кои дремат.“

овие вториве се накурчиле, а па првиве уште еднаш возвратиле:
„Новинарите со слабо срце не треба да бидат новинари и да се занимаваат со таа стресна професија. Ние предупредивме дека ова е комад со певање и пуцање.“

е ова последново мене ме накурчи. типот кој го изјавува ова е директорот на театарот - Цветан Стојановски (никад чуо) и кој не успеал да смисли ништо повеќе од познатата реплика на Милчо Манчевски, која одеше со најавите за новиот филм.
за оние кои не ја заприметиле ќе ја парафразирам: некојси новинар/ка го прашува Милчо за жанрот на новиот филм (во најава) Сенки (тогаш уште Коски), и овој крајно елегантно одговара, Пред дождот беше мјузикл, Прашина беше вестерн, а Коски ќе биде ВестернМјузикл, со пеење и пукање...

ете толку успеа да смисли нашиот директор, кој бај д веј сигурно смета дека Сенки е ужасно грозен филм, без никаков концепт, очајна идеја, хистерична глума и ретардирана музика...

ако, ако...

Сенки

2007-11-05T22:35:00.001+01:00

Завчера. Кога врнеше

2007-10-24T11:29:00.000+01:00

си идев во големиот град со такси(кола)

од алкалоид до континентал патував од 08:05 до 09:45

слушав(ме) зона м1 и слично

блок реклами блок турбофолк

коли возеа и по тревниците и по тротоарите

по тротоарот помина и полициски крајслер

ХИТ НА НЕДЕЛАТА е прогласен Игри без граници

македонско тумачење

2007-09-27T10:22:00.000+01:00

како народ сме значи. ептен сме за никаде.
деновиве стартуваше 3тиот мобилен оператор, и повторно се повторува истата приказна како и кога стартуваше вториот. шпекулации до немај каде, и ужасно толкување на секој потег на компаниите.
но она што ми е нај страшно е како може 5 години претплатниците да не направат разлика во цена СО и БЕЗ ддв. тоа ме вади од такт, затоа што го имам слушнато и од луѓе со академско образование. мобимак за кредит 500 наплатувале 595, а космофон за 100 наплатувал 100. изгледа сам си го плаќал ддв-то. ТЕ МОЛАМ!?!?
точно дека развојот на сите производи и услуги големите оператори под притисок на конкуренцијата мораат да го усложнат, и дека има нејаснотии во тарифирање, времетраење достапност итн итн... но едноставно мора да се издиференцираат сите детали на секоја понуда, за да се создаде предност пред конкурентот.
но после сите бедни работи кои ќе ги слушнам од нашиот народ и неговото ЕКСТРА креативно „тумачење“ на сите понуди, едноставно ми доаѓа да...

последен пат за пандев

2007-09-09T20:16:00.000+01:00

вака, можеби ќе шпекулирам, можеби патриотските чувства ми се лабилни, можеби љубоморам... но ова што се случува мислам дека не е случајно и дека не е производ на погоре спомнатите мои „проблеми“.
муабетот се однесува на Пандев и на натпреварот со Русија.

после жолтиот картон кој го доби, му следува суспензија, па нема да игра во среда на Градски.

сето претходно што го пишував за него и за неговиот однос кон репрезентацијата ми дава за право да кажам дека мошне елегантно ги избегнува настапите, а и кога игра е „под мала гас“.

сигурен сум дека ќе биде подобро да си знаеме, Пандев не игра за репрезентацијата за да можат другите деца колку толку да си се изборат за нов лидер. затоа што вака лидер немаме.

како лани случајот со Арсенал. при „повреден“ Анри во 80% од сезоната, се чувствуваше како да недостига нешто. сега кога го продадоа, дечките се како преродени, сите во потрага по епитетот нов Талисман на Емирати.

Comic

2007-08-24T12:32:00.000+01:00

Пак за Пандев

2007-08-19T20:22:00.000+01:00

втор пост за неполн час. вака може ќе се оддолжам што ме немаше подолго време.
а втор пост и за нашиот „супер стар“ Горан Пандев.
еднаш пишував за ова. сега само се надоврзувам. повторно во Македонски Спорт ја видов веста дека Гоки немало да игра за Македонија, в среда со нинџите од Африка.
и што повеќе. не почнала сезоната Пандев се изморил. а имал и ситна повреда. сигурно ноктите криво си ги исекол, па го боли живецот.
абе плачко и помочко. како што пишав и тогаш.
чао тути.

Радио Рекламирање

2007-08-19T19:30:00.000+01:00

патот до работа ми трае околу половина час и најчесто го одам сам. монотонијата ја разбивам со слушање музика, а оти немам голема мемориска картица на телефонот и плус поради дозата на изненадување (од песната која ќе ја пуштат) слушам радио. и целосно сум изненаден и разочаран од радио адвертајзингот во нашиот етер. најчесто вртам помеѓу водечките меинстрим радија Сити и Антена, а поретко останатите. но тоа што се нуди како реклама на овие радија е стварно жално.
се сеќавам на времето кога антена беше лидер низ Македонија, иако имаа многу долги блокови со реклами, имаше стварно некои навистина изработени реклами кои вредеа како уметнички дела, а не само како комерцијален оглас.
она што деновиве го приметувам е веќе крајното лигавење на луѓето кои ги читаат рекламите. веројатно тие гласови створија некој имиџ и цена на пазарот кај нас, па сега си дозволуваат да прават што сакаат. или пак режисерите/клиентите тоа го бараат од нив.
но тоа мене како обичен слушател ужасно ми смета. читаат како во исто време јајце да снесуваат.
освен дебилската гласовна поддршка, рекламите немаат никаква провокативна содржина. додуша зборот провокативна тие го имаат сватено само како сексуална, па многу често тексовите се трудат да привлечат внимание само со сексуалната конотација на пораката. тоа се една група реклами, а другата се целосно обични текстови како на соопштение на радио скопје од пред 20 години, со назнака дека во позадина оди туп-ца-туп-ца светски хит: во продавниците на ХХХ пристигна новата ХХХ по специјална цена. побрзајте. количините се ограничени. и толку. премалку.
не знам дали ефектот на радио рекламирањето е толку мал за да не се вложува во негова изработка, но сепак сум сигурен дека веќе кога се рекламираш тоа не треба да биде „ради реда“. подобро да не те разберат по лоша реклама ако веќе имаш добар производ.
а за радијата со балкан-поп-фолк ориентација и нивните самокомпонирани реклами од типот:
- Врне....
- Нека врне, имам канадски олуци...
да не правиме повеќе муабет.

Manchester United 2007/08

2007-07-26T13:23:00.000+01:00

Маркетингот е чудо. Што се нема да смисли за да направи повеќе пари. Ланските дресови на Манчестер Јунајтед (МУ) беа меѓу најгрозните кои овој клуб ги имал, арно ама тие биле еден вид оживување на дизајнот кој го имале првата сезона кога играле на Олд Трафорд, а поради тоа што минатата сезона стадионот беше реновиран и со зголемен капацитет, причината беше повеќе од оправдана. Е сега годинава МУ прават нови дресови, и поради тоа што нема некоја приказна околу нив, се оди на промена на бројот на главниот играч. Вејн Руни ќе ја носи 10-ката. Редизајнот и новиот број сигурно ќе ја зголемат продажбата за 50-60% од таа што би се реализирала да не беше така.
А тоа што дизајнот е одличен, можеби најдобар до сега, е мамка плус продажбата да достигне големи бројки. И после бил најбогат клуб, епа Е!

Dive Deep, Morcheeba

2007-07-23T22:33:00.000+01:00

Morcheeba, можеби не се кој знае колкав бенд, и немаат кој знае какви пласмани на топ листите, ама мене ми се прилично интересни, особено за пиење кафе попладне, или сурфање во „ситните саати“. Доаѓаат од Англија, имаат 5 регуларни албуми, од кои Fragments of Freedom од 2000-тата се искачил на #6 место на Албумската УК листа. Одтаму е и најпознатиот сингл на бендот Rome Wasn't Built in a Day. Според Википедија 6тиот албум на бендот, Dive Deep, сеуште не е издаден официјално.

Ама со тоа не се сложува Рапидшер. Повелете.

soundtrack

2007-07-08T14:58:00.000+01:00

пост за најдобриот саундтрак направен за најлошиот филм!!!

Air - The Virgin Suicides

The Virgin Suicides by Sofia Coppola

;)

2007-07-06T22:55:00.000+01:00

- Due to lack of interest tomorrow is cancelled*

- Поради недостиг на интерес утрешнината е одложена

*Kaiser Chiefs, Ruby

На денешен ден!!! 2001-та

2007-06-27T10:31:00.000+01:00

Денеска е 27 јуни 2007. Истиот датум но во 2001-та во македноските весници излегоа следниве соржини: Дневник, Вест. Ако имате време разгледајте ги главните наслови во периодот од сабота до четврток. Тогаш се случи најголемата трагедија на Македонската држава. Да видите/присетите што се случи со најрешителната, најпрофесионалната, најшколски спроведената акција, според сите начела на војувањето.
Во кратки црти: Во петок пред зори започна акцијата за Ослободување на Арачиново, од скопската и од кумановската страна плус и од воздух за ден и пол буквално се ослободи Арачиново. Терористите извадија бели знамиња. И тогаш на сцена стапи Ороспијата од Вавилон, и преостанатите терористи ги превзема со климатизирани автобуси. Наместо нашите сили со нив да ја завршат работата така како што доликува тоа да го направи победникот.
И што се случи, за неколку часа, во понеделникот вечерта (26.06.2001) се собраа стотици илјади народ (предводени од полицајците и армиските сили кои фактички за џабе се бореле) пред собранието, додуша после беа и ВО собранието на рм.
Видете, прочитајте, сигурно нешто и сте заборавиле од ова. Што е страшно!!!

Наградно Прашање

2007-06-26T10:23:00.001+01:00

Извесен период ме мачи оваа проблематика, па може некој знае да ми одговори.

Зошто бројчаните тастатури на калкулаторот и на нумеричкиот дел на тастатурата се направени обратно одколку на телефоните и далечинските?!?!

Версус:

summer time, and...

2007-06-22T07:56:00.000+01:00

Официјално, Лето 2007

Пушти Српско!!!

2007-06-21T12:43:00.000+01:00

веќе неколку години наназад Македонските музички изведувачи (и меинстрим и андерграунд) многу полесно се нафаќаат да пеат на странски јазик, отколку на нашиот Македонски.
причините се полесен пробив на странските пазари. што и да тоа значи!!!
тоа е едно. ама друго ми е муабетот. извесни артисти пред се од комерцијален-поп сцената, своите албуми ги издаваат во 2-3 варијанти. една за Македонскиот и минимум една за екс-Ју пазарите. еве да речеме дека имаат можност за поголема заработка на тие пазари, па затоа и ги препеваат песните. еве да речеме дека тоа е во ред. но што се случува во со Македонските верзии!?
никој не ги слуша!!! каде и да седнам и да пуштат некоја од песните што имаат 2 верзии, редовно тоа е Српската!
и шо да правиме повеќе муабет...

Microsoft Surface

2007-06-08T09:18:00.000+01:00

The launch of Microsoft Surface marks the beginning of a new technology category and a user-interface revolution. Surface, Microsoft’s first surface computer, provides effortless interaction with digital content through natural hand gestures, touch and physical objects. Surface computing breaks down traditional barriers between people and technology, changing the way people interact with all kinds of everyday information — from photos to maps to menus.
Ниеден текстуален опис на ова чудо не е доволен, затоа повелете послужете се на ЈуТјуб и разгледајте што се може да се направи. А јас тука ќе си ја пренесам мојата применета фантазија.

Замислете една улица, еве на пример едно делче од улицата Македонија. Со бутици. И наместо излози, Мајкрософт Сурфејси. Идеш пред излогот, и не ја гледаш куклата, туку целиот асортиман, си влечеш различни комбинации, додека не најдеш шо ти одговара највеќе. После го ставаш телефонот на излогот, и префрлаш една слика од тебе и излогот ти ја лепи комбинацијата шо си ја одбрал врз тебе. Се гледаш дали си убав/а, и правиш нарачка. Може дури да си ја поминеш кредитната, а нарачаната роба да ти стигне дома додека го завршиш шопингот. Фактички бутик воопшто и нема :)

Пандев Уно Помочко

2007-06-07T16:08:00.000+01:00

„Сум размислувал и еве, сега пак размислувам околу мојата иднина во репрезентацијата. Не можам повеќе...„
Ова го изјавува Горан Пандев за Македонски Спорт. Читам и не ми се верува.
А ги гледав сите натпревари за на нашата репрезентација до сега, и стварно не се сеќавам на такви партии на Пандев, какви што ги претставуваат медиумите. Имам изгледано илјадници утакмици и колку толку разликувам што е добро, а што не е.
Освен по неколку моменти на сите претходни натпревари, Пандев воопшто не беше носител и лидер на репрезентацијата. Ова го правев муабет со многу луѓе. Пандев нема лидерска харизма и многу е погрешна целата фама која се дига околу него и неговото значење за репрезентацијата. Точно, можеби е најпознатиот и најквалитетниот Македонски фудбалер, ама не е човек по кого може да тргне цела репрезентација.

И сега, тој го дава најидеалниот доказ за ова што го пишувам: Јас веќе нема да играм, шо е ова, какви сме слаби, цело време ме повредуваат, не ми даваат да играм кај сакам, сите не победуваат, ееее више...

Чекај бре, алооо! Не играј, ич ако сакаш, ама не се прави лицето Д.П. Си го слушнал ли Рајан Гигс да се жали шо е роден у Велс и шо уште 20 години да игра нема никаде да се пласира, па пак е недостижен лидер на репрезентацијата. И муабет ли е тоа: Не ми даваат да играм напред и затоа не давам голови!?!? Ако не си знаел, капитен на Мексико (и лидер) им е Рафаел Маркез. Е тој игра одбрана. И на светското лани даваше голови на клучните утакмици за нивниот пласман. Е тоа е лидер.

А не твојов муабет. Демек, ја играм 3 метра поназад и не може гол да дадам... Башка шо кога и да те чепнат се тркалаш по земја.

Срамота.

Денес

2007-06-05T09:51:00.000+01:00

пред некое време означивме:
03:04, 05.06.07